ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା ଗୋଷାଣି ବ୍ଲକ ଅନ୍ତର୍ଗତ ଗୁରାଣ୍ଡି ଗ୍ରାମ ନିକଟସ୍ଥ ଚାଷ ଜମିରେ ନିଆଁ ଲାଗି ପାଳଗଦା ସମେତ ରବି ଫସଲ ନଷ୍ଟ ହୋଇଥିବାର ଜଣାପଡିଛି । ଘଟଣାରୁ ପ୍ରକାଶ ଯେ, ଆଜି ଅପରାହ୍ନ ସମୟରେ ଗୁରାଣ୍ଡି ଗ୍ରାମ ନିକଟସ୍ଥ ଚାଷ ଜମିରେ ନିଆଁ ଲାଗିଯାଇଥିଲା । ଫଳରେ ଉମା ଜେନା ନାମକ ଜଣେ ଚାଷିଙ୍କ ପାଞ୍ଚ ଏକର ଜମିର ପାଳ ଗଦା ସହ କରୁଣାକର ଜେନାଙ୍କ ପ୍ରାୟ ଦୁଇ ଏକରର ପାଳଗଦାରେ ନିଆଁ ଲାଗି ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ସେହିପରି ଜମିରେ ରବି ଫସଲ ନିମନ୍ତେ ବିରି, ମୁଗ ଫସଲ ମଧ୍ୟ ପୋଡି ନଷ୍ଟ ହୋଇଥିବାର ଜଣାପଡିଛି । ଖବର ପାଇ ପାରଳାଖେମୁଣ୍ଡି ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରିଥିଲେ ।