ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା କାଶୀନଗର ଥାନା ଅନ୍ତର୍ଗତ ଏଫସିଆଇ ଗୋଦାମ ନିକଟସ୍ଥ କାଜୁ ତୋଟାରେ ଏକ ମହିଳାଙ୍କ ମୃତ ଦେହ ଠାବ କରିଛି କାଶୀନଗର ପୋଲିସ। ମହିଳା ଜଣକ ହେଲେ ଆନ୍ଧ୍ରର ବଳଦା ଗ୍ରାମର ଜେ ରାମା ରାଓଙ୍କ ପତ୍ନୀ ଜେ.ଉଷା ରାଣୀ ବୋଲି ଜଣାପଡିଛି। ମୃତ ମହିଳାର ଦୁଇଟି ଝିଅ ଥିବା ବେଳେ ବଳଦା ଗ୍ରାମ ଭଳିନ୍ଟର ଭାବେ କାମ କରୁଥିବା ସ୍ଥାନୀୟ ଲୋକ ସୂଚନା ଦେଇଛନ୍ତି। ସେ ମଙ୍ଗଳବାର ଅପରାହ୍ନରେ ଘରରୁ ବାହାରକୁ ଯାଇଥିବା ନେଇ ପରିବାର ସୂତ୍ରରୁ ପ୍ରକାଶ ପାଇଛି l
ସନ୍ଦ୍ୟା ୫.୩୦ ସମୟରେ ଏଫସିଆଇ ଗୋଦାମ ନିକଟସ୍ତ ଅଞ୍ଚଳବାସୀ ମୃତଦେହ ପଡ଼ିଥିବା ଦେଖି କାଶୀନଗର ପୋଲିସକୁ ସୂଚନା ଦେଇଥିଲେ। ଘଟଣା ସ୍ଥଳରେ ଏସଡିପିଓ ମାଧବାନନ୍ଦ ନାୟକ ଓ କାଶୀନଗର ଥାନା ଅଧିକାରୀ ଗୋବିନ୍ଦ ଗୌଡ଼ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି। ଆଜି ସକାଳୁ ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ କରି ସବ ବ୍ୟବଛେଦ ନିମନ୍ତେ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି ।ମହିଳା ଜଣଙ୍କୁ କେହି ଜଣେ ହତ୍ୟା କରିଥିବା ନେଇ ସନ୍ଦେହ କରୁଛନ୍ତି ପରିବାର ବର୍ଗ।