କଟକ ( ବିପ୍ଲବୀ ପରିକ୍ରମା ):- ୟୁନିଭର୍ସର ସୁବର୍ଣ୍ଣ ଜୟନ୍ତୀ ସମାରୋହ ଏବଂ ସମାଜସେବୀ ସ୍ବର୍ଗତଃ ଗିରିଜା ଭୂଷଣ ପଟ୍ଟନାୟକଙ୍କ 93ତମ ଜନ୍ମ ବାର୍ଷିକୀ କଟକ ସାରଳା ଭବନଠାରେ ଅନୁଷ୍ଠିତ ହୋଇଯାଇଛି। ୟୁନିଭର୍ସର ସଭାପତି ଡ. ପ୍ରମୋଦ କୁମାର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ଜାତୀୟ କୀର୍ତିରାଜି ପ୍ରାଧୀକରଣର ଅଧ୍ୟକ୍ଷ ପ୍ରଫେସର କିଶୋର କୁମାର ବାସା ଯୋଗଦେଇଥିଲେ l ସମ୍ମାନିତ ଅତିଥ୍ ଭାବେ ଆଦିତ୍ୟ ବିର୍ଲା ଗ୍ରୁପ୍ର ପୂର୍ବତନ ନିର୍ଦେଶକ ଡ. ସନ୍ତୁପ୍ତ ମିଶ୍ର ,ସମ୍ମାନିତ ବକ୍ତା ଭାବେ ମେୟର ସୁବାସ ସିଂହ ,ବରେଣ୍ୟ ବକ୍ତା ଭାବେ ସାରଳା ସାହିତ୍ୟ ସଂସଦର ପ୍ରତିଷ୍ଠାତା ସଭାପତି ଇଂ ପ୍ରଭାକର ସ୍ବାଇ , ଆଫେୟାର୍ସର ମୁଖ୍ୟ ସୁଧୀ ରଞ୍ଜନ ମିଶ୍ର ଓ ସିନର୍ଜି ଗ୍ରୁପ୍ର ଅଧ୍ୟକ୍ଷ ବିନୋଦ ଦାଶ ପ୍ରମୁଖ ଉପସ୍ଥିତ ଥିଲେ l
ଓଡ଼ିଶା କଳା ଓ ସଂସ୍କୃତିକୁ ବିଶ୍ବ ଦରବାରରେ ପ୍ରତିଷ୍ଠା କରିବା ପାଇଁ ତାଙ୍କ ଉଦ୍ୟମ ପ୍ରଶଂସନୀୟ। ୟୁନିଭର୍ସର ସାଧାରଣ ସମ୍ପାଦକ ବ୍ୟାପ୍ତି ପଟ୍ଟନାୟକ ସ୍ବାଗତ ଅଭିଭାଷଣ ପ୍ରଦାନ କରି ୟୁନିଭର୍ସର 50 ବର୍ଷର ଲମ୍ବା ଯାତ୍ରା ଉପରେ କିଛି ବିବରଣୀ ପ୍ରଦାନ କରିଥିଲେ । ଏହି ଅବସରରେ ୟୁନିଭର୍ସର ସ୍ମରଣିକାକୁ ଅତିଥିମାନେ ଉନ୍ମୋଚିତ୍ତ କରିଥିଲେ ଏବଂ ୟୁନିଭର୍ସର ଏକ ଡକ୍ୟୁମେଣ୍ଟାରୀ ଫିଲ୍ମ ପରିବେଷିତ ହୋଇଥିଲା l ଶେଷରେ ବିଦ୍ୟାଳୟସ୍ତରୀୟ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ପିଲାମାନଙ୍କୁ ପୁରସ୍କୃତ କରାଯାଇଥିଲା।