ଭଞ୍ଜନଗର ( ବିପ୍ଲବୀ ପରିକ୍ରମା ):- ବିଦ୍ୟୁତ୍ ସଟ୍ ସର୍କିଟ ରୁ ରେଷ୍ଟୁରାଣ୍ଟ ରେ ଅଗ୍ନିକାଣ୍ଡ । ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ । ଭଂଜନଗର ସହରର ପୁରୁଣା ବଜାର ସାହିରେ ଥିବା ଏକ କୋଠା ଘରର ଉପର ମହଲାରେ ଚାଲିଥିଲା ରେଷ୍ଟୁରାଣ୍ଟ । ତେବେ , କୌଣସି ପ୍ରକାରେ ବିଦ୍ୟୁତ୍ ସଟ୍ ସର୍କିଟ ହୋଇ , ଅଗ୍ନିକାଣ୍ଡ ଘଟିଥିଲା । ଫଳରେ ରେଷ୍ଟୁରାଣ୍ଟ ଭିତରେ ଥିବା ବିଭିନ୍ନ ବୈଦୁତିକ ଉପକରଣ , ସିସିଟିଭି ଏବଂ ବିଭିନ୍ନ ଉପକରଣ ପୋଡ଼ି ଯାଇଥିଲା ।
ଖବର ପାଇ , ଭଂଜନଗର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି , ନିଆଁ କୁ ଆୟତ୍ତ କରିଥିଲେ । ନଷ୍ଟ ହୋଇଥିବା ସାମଗ୍ରୀ ଗୁଡିକ ଲକ୍ଷାଧିକ ଟଙ୍କା ହେବ ବୋଲି , ଅନୁମାନ କରାଯାଉଛି । ଜନଗହଳି ପୂର୍ଣ୍ଣ ସହର ମଧ୍ୟରେ ଏଭଳି ଅଗ୍ନିକାଣ୍ଡ ଘଟିବାରୁ , ସ୍ଥାନୀୟ ବାସିନ୍ଦା ଏବଂ ବ୍ୟବସାୟୀ ମାନେ ଭୟଭୀତ ହୋଇ ପଡ଼ିଥିଲେ । ତେବେ ଏହି ଅଗ୍ନିକାଣ୍ଡରେ ଅନ୍ୟ କୈାଣସି ଦୋକାନ କ୍ଷତିଗ୍ରସ୍ତ ହୋଇନଥିବା ବେଳେ ଏକ ବଡ ଧରଣର ଅଘଟଣ , ଟଳି ଯାଇଛି ।