ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରରେ ଥିବା ସଦର ଅବକାରୀ ବିଭାଗ ପକ୍ଷରୁ କଞ୍ଚାଲଙ୍କା ବଝୋଇ ହୋଇଥିବା ଏକ ଟ୍ରକରେ ୧୦ କେଜି ଗଞ୍ଜେଇ ଚାଲାଣ ହେଉଥିବା ସମୟରେ ଉଭୟ ଟ୍ରକ ଓ ଗଞ୍ଜେଇକୁ ଜବତ କରିଥିବାର ଜଣାପଡିଛି । ବିଭାଗ ସୂତ୍ରରୁ ପ୍ରକାଶ ଯେ, ଅବକାରୀ ଅଧିକ୍ଷକ ପ୍ରଦୀପ କୁମାର ସାହୁଙ୍କ ନିର୍ଦ୍ଦେଶ କ୍ରମେ ସଦର ଅବକାରୀ ନିରୀକ୍ଷକ ମିହିର ସେଠୀଙ୍କ ସମେତ ଅବକାରୀ କର୍ମଚାରୀ ମିଳିତ ଭାବେ ଓଡିଶା-ଆନ୍ଧ୍ର ରାସ୍ତା ତଥା ପୁରୁଣାପାଟଣା ମୁଖ୍ୟରାସ୍ତାରେ ପେଟ୍ରୋଲିଂ କରିବା ସମୟରେ ଏନଏଲ ୦୧ ଏଏଫ ୩୨୬୧ ନମ୍ବର ବିଶିଷ୍ଟ ଆଇଚର ଟ୍ରକକୁ ସନ୍ଦେହରେ ଅଟକାଇ ଯାଞ୍ଚ କରାଯାଇଥିଲା । ଯା଼ଞ୍ଚ ବେଳେ ଏଥିରେ କଞ୍ଚଲଙ୍କା ଭର୍ତ୍ତି ହୋଇଥିବା ବେଳେ ସେଥିମଧ୍ୟରେ ଗୋଟିଏ ବସ୍ତାରେ ଗଞ୍ଜେଇ ଥିବାର ଦେଖିବାକୁ ପାଇଥିଲେ ।
ଏହାପରେ ଗଞ୍ଜେଇକୁ ମାପ ଓଜନ କରିବା ପରେ ୧୦କେଜି ଥିବାର ଜଣାପଡିଥିବା ବେଳେ ଘଟଣାରେ ସମ୍ପୃକ୍ତ ଜଣକୁ ଗିରଫ କରି କୋର୍ଟ ଚଲାଣ କରିଥିବାର ସୂଚନା ପ୍ରଦାନ କରାଯାଇଛି । ତେବେ ଚାଲାଣକାରୀ ଜଣକ କୌଶଳ ଭାବେ କଞ୍ଚାଲଙ୍କା ଭର୍ତ୍ତି ଗାଡିରେ ଗଞ୍ଜେଇ ରଖିଥିବାକୁ ନେଇ ଅବକାରୀ ବିଭାଗକୁ ତାଜୁବ କରିଛି ।