କଟକ ( ବିପ୍ଲବୀ ପରିକ୍ରମା ):- କଟକ କମିଶନରେଟ୍ ପୋଲିସ୍ କବଜାରେ ବନ୍ଧୁକ ଚାଲାଣକାରୀ। ପୁଣି କଟକରୁ ଧରାପଡିଲା 3ଟି ବନ୍ଧୁକ। ମୁଖ୍ଯ ଅଭିଯୁକ୍ତ ଗୋଲ୍ଡେନ୍ ସିଂହକୁ ବିହାରରୁ ଗିରଫ କଲା ପୋଲିସ୍। 3ଟି ବନ୍ଧୁକ,3ଟି ଗୁଳି ସହ ଏକ ମୋବାଇଲ ଜବତ ହୋଇଛି। ଷ୍ଟ୍ରିଟ୍ କ୍ରାଇମ୍ ଏବଂ ବେଆଇନ୍ ଅସ୍ତ୍ରଶସ୍ତ୍ର କାରବାର ରୋକିବାକୁ ଷ୍ଟ୍ରିଟ୍ କ୍ରାଇମ୍ ପ୍ରିଭେନସନ୍ ୟୁନିଟ୍ ଆରମ୍ଭ କରିଥିବା ସ୍ପେଶାଲ୍ ଡ୍ରାଇଭରେ ଏଭଳି ସଫଳତା ପାଇଛି କଟକ କମିଶନରେଟ୍ ପୋଲିସ୍।
କିଛିଦିନ ତଳେ କଟକ ଜଗତପୁର ଥାନା ପୋଲିସ୍ 5ଟି ବନ୍ଧୁକ ଧରିଥିବା ବେଳେ ଏହି ଲିଙ୍କରେ କମିଶନରେଟ୍ ପୋଲିସର ସ୍ବତନ୍ତ୍ର ଟିମ୍ ବିହାର ମୁଙ୍ଗେର ଯାଇ ବନ୍ଧୁକ କାରବାରର ମୁଖ୍ଯ କିଙ୍ଗପିନ୍ ଗୋଲ୍ଡେନ୍ ସିଂହକୁ ଗିରଫ କରିଛି ପୋଲିସ୍। ଏହା ସହ ତାର ସହଯୋଗୀ ଓ୍ବାସିମ୍ ଖାନକୁ ମଧ୍ଯ ଗିରଫ କରିଛି ପୋଲିସ୍। ବିହାର ଏସଟିଏଫ୍ ସହଯୋଗରେ ଏହି ଅଭିଯୁକ୍ତମାନଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ୍। ଅଭିଯୁକ୍ତମାନେ କଟକ, ଖୋର୍ଦ୍ଧା, ଜଗତସିଂହପୁର ଏବଂ ଝାରସୁଗୁଡା ଜିଲ୍ଲାକୁ ବନ୍ଧୁକ ଚାଲାଣ କରୁଥିଲେ। ଏହା ସହ ଅଭିଯୁକ୍ତମାନଙ୍କ ନାଁରେ ଏକାଧିକ ମାମଲା ଥିବା ପୋଲିସ୍ ଜାଣିବାକୁ ପାଇଛି।