ବ୍ରହ୍ମପୁର ( ବିପ୍ଲବୀ ପରିକ୍ରମା ):- ଭାରତୀୟ ଜନତା ପାର୍ଟି ର ଗୋପାଳପୁର ନିର୍ବାଚନ ମଣ୍ଡଳୀର ବୁଥ ସ୍ତରୀୟ ବିଜୟ ଅଭିଯାନ ସଭା ଲାଞ୍ଜପାଲ୍ଲୀ ଜାତୀୟ ରାଜପଥ ନିକଟରେ ଅନୁଷ୍ଠିତ ହୋଇଯାଇଛି।ବିଜେପି ବ୍ରହ୍ମପୁର ଲୋକସଭା ପ୍ରାର୍ଥୀ ଡ଼ଃ. ପ୍ରଦୀପ କୁମାର ପାଣିଗ୍ରାହୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମସ୍ତ ମଣ୍ଡଳର ସଭାପତି, NAC ସଭାପତି, ଓ ଗୋପାଳପୁର ନିର୍ବାଚନ ମଣ୍ଡଳୀର ବହୁ କର୍ମୀ ଓ କର୍ମକର୍ତ୍ତା ଯୋଗଦାନ କରିଥିଲେ l
ବୁଥ ସ୍ତରରେ କିଭଳି ଲୋକଙ୍କ ନିକଟରେ କେନ୍ଦ୍ର ସରକାର ଙ୍କ ଉନ୍ନୟନ ମୂଳକ ଜନ କଲ୍ୟାଣ ଯୋଜନା ପହଁଚିବା ସହିତ ଆଗାମୀ ସାଧାରଣ ନିର୍ବାଚନରେ କିଭଳି ଭଲ ପ୍ରଦର୍ଶନ କରିବ ଦଳ ସେ ନେଇ ଦଳୀୟ ନେତା କର୍ମୀଙ୍କୁ ନେତା ପ୍ରଶିକ୍ଷଣ ଦେଇଥିଲେ।ଏହି ଅବସରରେ ବିଧାୟକ ପ୍ରାର୍ଥୀ ବିଭୁତି ଭୂଷଣ ଜେନା, ଜିଲ୍ଲା ସଭାପତି ଡ଼ଃ ସୁବାଷ ସାହୁ, ବରିଷ୍ଠ ନେତା ପୀତବାସ ପଣ୍ଡା ଙ୍କ ସମେତ ବହୁ ଦଳୀୟ ନେତା ଓ କର୍ମକର୍ତ୍ତା ଯୋଗଦାନ କରିଥିଲେ।