ଗଜପତି ( ବିପ୍ଲବୀ ପରିକ୍ରମା ):- ମୋହନା ନିର୍ବାଚନ ମଣ୍ଡଳୀ ଅନ୍ତର୍ଗତ ନୂଆଗଡ଼ ବ୍ଲକ ବିଜେଡି଼ ପକ୍ଷରୁ ଆଜି ବିଜେଡି ବିଧାୟକ ପ୍ରାର୍ଥୀ ଅନ୍ତର୍ଯ୍ୟାମୀ ଗମାଙ୍ଗଙ୍କୁ ବିପୁଳ ସମ୍ବର୍ଦ୍ଧନା ଜ୍ଞାପନ କରିବା ସହ ନିର୍ବାଚନ ରଣନୀତି ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ବ୍ଲକର ବିଜେଡି ସମର୍ଥିତ ସରପଞ୍ଚ,ସମିତିସଭ୍ୟ ସଭ୍ୟ,ୱାର୍ଡ ମେମ୍ବର ଏବଂ ଶତାଧିକ ବରିଷ୍ଟ ବିଜେଡି କର୍ମୀ ବିଜେଡି ବିଧାୟକ ପ୍ରାର୍ଥି ଅନ୍ତର୍ଯ୍ୟାମୀ ଙ୍କୁ ସମ୍ବର୍ଦ୍ଧନା ଜଣାଇଥିଲେ। ବ୍ଲକ ସଭାପତି ଜହନ ମାଝୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ଯକ୍ରମରେ ଅତିଥି ଭାବେ ମୋହନା ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ପୃଥ୍ଵୀରାଜ ସାହୁ,ବିଜେଡି ଜିଲ୍ଲା ସଭାପତି ଜଗବନ୍ଧୁ ଦାସ, ଜିଲ୍ଲା ମହିଳା ସଭାନେତ୍ରୀ ପୂର୍ଣ୍ଣବାସୀ ନାୟକ, ନୂଆଗଡ଼ ବ୍ଲକ ଉପାଧ୍ଯକ୍ଷ ନିହିମୀୟ ରଇତ ପ୍ରମୁଖ ଯୋଗଦେଇଥିଲେ। ତେବେ ଅତିଥି ମାନଙ୍କୁ ଉତ୍ତରୀୟ ଏବଂ ପୁଷ୍ପମାଲ୍ୟ ଦେଇ ସମ୍ବର୍ଧିତ କରାଯାଇଥିଲା। ଏହି କାର୍ଯ୍ୟକ୍ରମରେ ଚଳିତ ସାଧାରଣ ନିର୍ବାଚନରେ ଦଳ କିପରି ବିପୁଳ ମାତ୍ରାରେ ବିଜୟୀ ହାସଲ କରିବ, ସେ ବିଷୟରେ କର୍ମୀମାନଙ୍କୁ ଗୁରୁମନ୍ତ୍ର ଦିଆଯାଇଥିଲା।