ଗଞ୍ଜାମ ( ବିପ୍ଲବୀ ପରିକ୍ରମା ):-ପୋଲସରା ବ୍ଲକ ନିମିନା ପଂଚାୟତ ସାନ ବରଙ୍ଗା ସ୍ଥିତ ରଙ୍ଗମାଟିଆ ପଡିଆରେ ବିଜେଡି ର ଜୋନ ସ୍ତରୀୟ ବୈଠକ ମଙ୍ଗଳବାର ବ୍ଲକ ବିଜେଡି ସଭାପତି ସୁରେନ୍ଦ୍ର ପ୍ରଧାନ ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି |ଏହି ସାଙ୍ଗଠନିକ ବୈଠକ ରେ ୪୦ ନମ୍ବର ଜିଲ୍ଲା ପରିଷଦ ଜୋନ ଅଧୀନ ପାଣ୍ଡିରୀପଡା, ଗୋଚ୍ଛାବାଡି, ମାଳତେନ୍ତୁଳିଆ, ନିମିନା, ବୁଢ଼େଇ ଶୁଣି, ମଧୁପଲ୍ଲୀ,ବନ୍ଥପଲ୍ଲୀ,ମଥୁରା, ଜା ଡ଼େଙ୍ଗାପଦର, ଓ ଜକର ପ୍ରମୁଖ ୧୦ଗୋଟି ପଞ୍ଚାୟତ ର ପ୍ରାୟ ୩ ହଜାରରୁ ଉର୍ଦ୍ଧ ପୁରୁଷ ଓ ମହିଳା ମାନେ ଯୋଗଦେଇଥିଲେ | ଏହି ସାଙ୍ଗଠନିକ ବୈଠକ ରେ ବିଜେଡିର ଆସିକା ସାଂସଦ ପ୍ରାର୍ଥୀନୀ ରଂଜିତା ସାହୁ ଓ ବିଧାୟକ ପ୍ରାର୍ଥୀ ଶ୍ରୀକାନ୍ତ ସାହୁ ଯୋଗଦେଇ ବିଜେଡିର ସାଙ୍ଗଠନିକ ସ୍ଥିତି ଉପରେ ଆଲୋକପାତ କରିବାସହିତ ତୃଣମୂଳ ସ୍ତରରୁ ବିଜେଡି କୁ ଅଧିକ ରୁ ଅଧିକ ସଶକ୍ତ କରି ବିଧାୟକ ପ୍ରାର୍ଥୀ ଶ୍ରୀକାନ୍ତ ସାହୁ ଓ ସାଂସଦ ପ୍ରାର୍ଥୀନୀ ରଂଜିତା ସାହୁଙ୍କୁ ଶଙ୍ଖ ଚି଼ହ୍ନରେ ଭୋଟ ଦେଇ ବିପୁଳ ସଂଖ୍ୟାରେ ଜୟଯୁକ୍ତ କରିବା ପାଇଁ ନିବେଦନ କରିଥିଲେ |
ଓଡିଶା ର ଜନସାଧାରଣ ଙ୍କ ଲାଗି ନବୀନ ବାବୁ ବହୁ ଯୋଜନା କରିବା ସହ ଓଡିଶା ର ବିକାଶ ଧାରାକୁ ଆଗେଇନେବାରେ ସିଦ୍ଧ ହସ୍ତ ବୋଲି ବିଧାୟକ ପ୍ରାର୍ଥୀ ଶ୍ରୀକାନ୍ତ ସାହୁ ନିଜର ବକ୍ତବ୍ୟ ରେ କହିଥିଲେ |ଆହୁରି କହିଥିଲେ କିଛି ସିଜନ ନେତା ଅଛନ୍ତି ଠିକ ନିର୍ବାଚନ ସିଜନ ରେ ଆସିଥାନ୍ତି ଆଉ ନିର୍ବାଚନ ସରିଗଲା ପରେ ଚାଲିଯାଇଥାନ୍ତି, ଆଉ ବିଜେଡିନେତା ମାନେ ଲୋକମାନଙ୍କ ସାଙ୍ଗରେ ସବୁସମୟରେ ରହିଥାନ୍ତି |
ବିଧାୟକ ପ୍ରାର୍ଥୀ ଓ ସାଂସଦ ପ୍ରାର୍ଥୀନୀ ଙ୍କୁ ବିପୁଳ ସଂଖ୍ୟା ରେ ଜୟଯୁକ୍ତ କରାଇବା ପାଇଁ ପ୍ରମୁଖ ପଂଚାୟତ ର ଜନପ୍ରତିନିଧି ମାନେ କହିଥିଲେ ଏହି ସାଙ୍ଗଠନିକ ବୈଠକ ରେ ଜିଲ୍ଲା ପରିଷଦ ସଭ୍ୟ ଅଶୋକ ବିଷୋୟୀ, ବିକ୍ରମ ନାୟକ, ଘନଶ୍ୟାମ ଦାସ କୋଦଳା ଏନଏସି ର ପୂର୍ବତନ ନଗରପାଳ ହର ସାହୁ,ନିମିନା ସରପଞ୍ଚ ମାମା ସାହୁ, ତାପସ କୁମାର ସାହୁ,ଲଡ଼ୁକିଶୋର ସାହୁ, ରଞ୍ଜନ କୁମାର ସାହୁ, ପୀତବାସ ପ୍ରଧାନ ସମେତ ପ୍ରମୁଖ ୧୦ ଗୋଟି ପଞ୍ଚାୟତ ର ସରପଞ୍ଚ ସମିତି ସଭ୍ୟ ସମେତ ବିଜେଡିର ସମସ୍ତ କର୍ମକର୍ତ୍ତା ଓ ହଜାର ହଜାର ବିଜୁପ୍ରେମୀ ମାନେ ଉପସ୍ଥିତ ଥିଲେ |