ବ୍ରହ୍ମପୁର ( ବିପ୍ଲବୀ ପରିକ୍ରମା ):- ଗୁରୁବାର ସ୍ଥାନୀୟ ନିମଖଣ୍ଡି ଶ୍ରୀକ୍ଷେତ୍ର ବିହାର ଅଞ୍ଚଳର ଏକ ପଡ଼ିଆରେ ବସି ଡକାୟତି ପାଇଁ ଯୋଜନା କରୁଥିବା ୪ଜଣ ଦୁର୍ଦ୍ଧାନ୍ତ ଅପରାଧୀଙ୍କୁ ନିମଖଣ୍ଡି ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି । ଗିରଫ ୪ ଜଣ ହେଲେ ଗଞ୍ଜାମ ଜିଲ୍ଲା ବଡଗଡ ଥାନା ଅନ୍ତର୍ଗତ ଗଙ୍ଗାପୁର ଗ୍ରାମର ତୋଫାନ ସାହୁ(୨୯) , ନିମଖଣ୍ଡି ଥାନା ଅନ୍ତର୍ଗତ ପଦ୍ମପୁର ବଡଦାଣ୍ଡ ସାହିର ନିମେଇ ଚରଣ ନାୟକ (୩୯),ବଡଗଡ ଥାନା ତେନ୍ତୁଳିଖୁଣ୍ଟି ଗ୍ରାମର ଦେବାନନ୍ଦ ଗୌଡ଼(୩୪) ଓ ଆସ୍କାର କେ.ସୂର୍ଯ୍ୟ ରାଓ(୪୦) । ଗିରଫ ସମୟରେ ସେମାନଙ୍କ ଠାରୁ ଗୋଟିଏ ବନ୍ଧୁକ, ୫ଟି ଗୁଳି,୨ଟି ମାଗାଜିନ ଓ ୫ଟି ମୋବାଇଲ ଜବତ କରିଛି ନିମଖଣ୍ଡି ପୋଲିସ । ଉକ୍ତ ଗ୍ରୁପରେ ଆଉ କିଏ କିଏ ଅଛି ଜାଣିବା ପାଇଁ ପୋଲିସ ତଦନ୍ତ ଆରମ୍ଭ କରିଥିବା ସୂଚନା ମିଳିଛି l