ମୟୁରଭଞ୍ଜ ( ବିପ୍ଲବୀ ପରିକ୍ରମା ):- ପଥର ଉତ୍ତୋଳନକୁ କେନ୍ଦ୍ରକରି ଗାଆଁରେ ଉତ୍ତେଜନା, ପୋଲିସକୁ ୪ ଘଣ୍ଟା କାଳ ଅଟକ ରଖିଲେ ଗ୍ରାମବାସୀ। ଏ ଭଳି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଯଶୀପୁର ଥାନା ରୁଗୁଡ଼ି ଗାଆଁରେ | ଲିଜ୍ ଧାରି ସଂସ୍ଥାର ଲୀଜ୍ ଅବଧି ରହିଥିବାରୁ ପଥର ଉତ୍ତୋଳନ କରିବାକୁ ଗାଁକୁ ଆସିଥିବା ବେଳେ ରୁଗୁଡି ଗାଆଁର ମହିଳା ଓ ପୁରୁଷ ମାନେ ପଥର ଉତ୍ତୋଳନ କରିବାକୁ ମନା କରିବା ସହ ଗ୍ରାମସଭାରେ ହୋଇଥିବା ଚୁକ୍ତିକୁ ପୂରଣ ନକରିବା ପର୍ଯ୍ୟନ୍ତ ପଥର ଉତ୍ତୋଳନ କରିବାକୁ ମନା କରିଥିଲେ |
ତେଣୁ ସେଠାରେ ଉତ୍ତେଜନା ପ୍ରକାଶ ପାଇଥିଲା | ଘଟଣା ସ୍ଥଳରେ ଯଶୀପୁର ପୋଲିସ ପହଞ୍ଚି ସ୍ଥିତିକୁ ଆୟତ୍ତ କରିବାକୁ ଚେଷ୍ଟା କରୁଥିବା ବେଳେ ଲୋକେ ପୋଲିସକୁ ମଧ୍ଯ ଅଟକ ରଖିଥିଲେ । ଖବର ପାଇ ଯଶୀପୁର ଥାନା ଅଧିକାରୀଣୀ ରୁଗୁଡ଼ି ଗାଆଁକୁ ଯାଇ ଲୋକଙ୍କ ସହ ଆଲୋଚନା କଲାପରେ ଗ୍ରାମବାସୀ ମାନେ ଦୀର୍ଘ ୪ ଘଣ୍ଟା ପରେ ପୋଲିସକୁ ଛାଡିଥିବାର ଦେଖିବାକୁ ମିଳିଛି।