ଗଜପତି ( ବିପ୍ଲବୀ ପରିକ୍ରମା ):- କାଶୀନଗର ବ୍ଲକ କେ ସୀତାପୁର ପଞ୍ଚାୟତର ସିଂପୁର, ଦେବଦଳା, ମିନିଗା, ଗୁଡା, ବିଶିରିଙ୍ଗି, ପାରଳା, ସାମ୍ଫାଇଗୁଡା ସୁନାବେଡା, ରାମାଇଗୁଡା, ବୈଜଳଗୁଡାର ଶତାଧିକ କର୍ମୀ ବିଜେପି ଛାଡି ବିଜେଡିରେ ଯୋଗ ଦେଇଛନ୍ତି।ପୂର୍ବତନ ଜିଲ୍ଲା ପରିଷଦ ସଦସ୍ୟ କାଳନ୍ଦୀ ଜେନାଙ୍କ ନେତୃତ୍ବରେ ବହୁ ଓ୍ବାର୍ଡ ମେମ୍ବର ଓ ଯୁବ ଗୋଷ୍ଠୀ ସିଂପୁର ଗ୍ରାମରେ ଏକ ମିଶ୍ରଣ ପର୍ବରେ ବିଜେଡ଼ି ବିଧାୟକ ପ୍ରାର୍ଥୀ ରୂପେଶ ପାଣିଗ୍ରାହୀ, ପୂର୍ବତନ ବିଧାୟକ କେ ସୂର୍ୟା ରାଓ, କାଶୀନଗର ବ୍ଲକ ଅଧ୍ୟକ୍ଷା ସାୟାମା ତଥା ବିଜେଡ଼ିର ପ୍ରମୁଖ ନେତୃବୃନ୍ଦଙ୍କ ଉପସ୍ଥିତିରେ ନବାଗତଙ୍କୁ ଉପଢୌକନ ଦେଇ ସ୍ବାଗତ କରିଛନ୍ତି।
ନବୀନ ପଟ୍ଟନାୟକଙ୍କ ବିକାଶ ମୂଳକ କାର୍ଯ୍ୟକ୍ରମ ତଥା ତାଙ୍କ ନିତି ଆଦର୍ଶରେ ଅନୁପ୍ରାଣୀତ ହେବା ସହ ଜଣେ ଉଚ୍ଚ ଶିକ୍ଷିତ ଯୁବକଙ୍କୁ ବିଧାୟକ ପ୍ରାର୍ଥୀ କରିଛନ୍ତି ନବୀନ ପଟ୍ଟନାୟକ। ଯାହାକୁ ନେଇ ସମସ୍ତ ଅଞ୍ଚଳର ଯୁବ ଗୋଷ୍ଠୀ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଯାହାକୁ ଆଧାର କରି ପ୍ରତିଦିନ ବିଭିନ୍ନ ସ୍ଥାନରେ ଶହ ଶହ ସଂଖ୍ୟାରେ ନେତା ଓ କର୍ମୀ ଓ ସାଧାରଣ ଲୋକେ ବିଜୁ ଜନତା ପ୍ରତି ଆକର୍ଷିତ ହେଉଥିବା ଲକ୍ଷ୍ୟ କରାଯାଇଛି।