ମୋହନା ( ବିପ୍ଲବୀ ପରିକ୍ରମା ):- ଗୁରୁବାର ଅପରାହ୍ନ ସମୟରେ ଗଜପତି ଜ଼ିଲ୍ଲା ମୋହନା ରେ କାଳବୈଶାଖିର ତାଣ୍ଡବ ଦେଖିବାକୁ ମିଳିଛି l ଫଳରେ ବିଭିନ୍ନ କଚ୍ଚା ଘରର ଛପର ଉଡିବା ସହିତ ବଜାର ମଧ୍ୟରେ ଥିବା ଦୋକାନ ଗୁଡିକର ଟିଣ ଉଡିଯାଇଥିବା ଦେଖିବାକୁ ମିଳିଛି l
ଏହା ସହ ବ୍ଲକ ରାସ୍ତା ଏବଂ ବି. ଏସ୍. ଏନ୍. ଏଲ୍ ଅଫିସ ପ୍ରାଙ୍ଗଣରେ ଥିବା ବଡ଼ ବଡ଼ ଗଛ ଭାଙ୍ଗି ପଡିଛି l ପବନର ବେଗ ଏତେ ଅଧିକ ଥିଲାଯେ ବିଦ୍ୟୁତ ଖୁଣ୍ଟି ଗୁଡିକ ଭାଙ୍ଗି ପଡିଥିଲା l ଯାହା ଫଳରେ ଅଞ୍ଚଳ ରେ ବିଦ୍ୟୁତ ସରବରାହ ବ୍ୟାହତ ହୋଇଛି l ବର୍ଷା ଫଳରେ ଅତ୍ୟନ୍ତ ଗୁଳୁଗୁଳିରୁ ଜନସାଧାରଣଙ୍କୁ ଆଶ୍ବସ୍ତି ମିଳିଛି ସତ କିନ୍ତୁ କାଳ ବୈଶାଖୀ ମୋହନା ସହର ରେ ବ୍ୟାପକ କ୍ଷୟକ୍ଷତି କରିଛି l
