ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ):- ପାରଳାଖେମୁଣ୍ଡି ନିର୍ବାଚନୀ ମଣ୍ଡଳିର ବିଜେଡି ବିଧାୟକ ପ୍ରାର୍ଥୀ ରୁପେଶ ପାଣିଗ୍ରାହିଙ୍କ ତେଲୁଗୁ ସୁପରଷ୍ଟାର ସୁମନ ଆଜି ଯୋରଦାର ପ୍ରଚାର କରିବା ସହ ବିଜେଡି ଦଳ ପାଇଁ ଭୋଟଭିକ୍ଷା କରିଛନ୍ତି । ଅପରାହ୍ନ ପାଞ୍ଚ ଘଣ୍ଟା ସମୟରେ ରାମସାଗର ସ୍ଥିତ ରାମଲିଙ୍ଗେଶ୍ୱର ମନ୍ଦିରରେ ପୁଜାର୍ଚ୍ଚନା ସାରି ଏକ ବାଇକ ରାଲି ବାହାରିଥିଲା । ବିଜେଡି ବହୁ ବରିଷ୍ଠ ନେତା ରହିଥିବା ବେଳେ ମୁଖ୍ୟ ଆକର୍ଷଣ ଥିଲା ତେଲୁଗୁ ସୁପରଷ୍ଟାର ସୁମନଙ୍କ ପ୍ରଚାର । ଗଜପତି ଜିଲ୍ଲା ଗୋଷାଣି ବ୍ଲକରେ ବହୁ ତେଲୁଗୁ ଭାସାଭାଷି ରହୁଥିବା ବେଳେ ସୁପରଷ୍ଟାରଙ୍କୁ ଦେଖିବା ପାଇଁ ପ୍ରତ୍ୟେକ ଗ୍ରାମର ଜନସାଧାରଣ ତାଙ୍କୁ ଫୁଲମାଳ ପକାଇବା ସହ ତିଳକ ଲଗାଇ ସ୍ୱାଗତ କରିଥିଲେ । ବିଧାୟକ ପ୍ରାର୍ଥୀ ରୁପେଶ ପାଣିଗ୍ରାହି ଏବଂ ସାଂସଦ ପ୍ରାର୍ଥୀ ଉଭୟଙ୍କୁ ଯୋଡି ଶଙ୍ଖରେ ଭୋଟ ଦେଇ ଉଭୟଙ୍କୁ ବିଜୟ ଲାଭ କରାଇବା ଏବଂ ମୁଖ୍ୟମନ୍ତ୍ରୀ ନବୀନ ପଟନାୟକଙ୍କୁ ପୁଣି ଥରେ ମୁଖ୍ୟମନ୍ତ୍ରୀ କରାଇବା ପାଇଁ ଜନସାଧାରଣଙ୍କୁ ଅନୁରୋଧ କରିଥିଲେ ।
ଏହି ଅବଶରରେ ସେ ରୁପେଶଙ୍କ ପରିବାର ସହ ବହୁ ପୁର୍ବରୁ ପାରିବାରିକ ସମ୍ପର୍କ ରହିଥିବା କାରଣରୁ ଏତେ ଦୁରରୁ ଆସି ଆଜି ପ୍ରଚାକ କାର୍ଯ୍ୟକ୍ରମରେ ଯୋଗ ଦେଇଛି । ଓଡିଶା ମୁଖ୍ୟମନ୍ତ୍ରୀ ନବୀନ ପଟନାୟଙ୍କ ବିଭିନ୍ନ ଜନହିତକାରୀ ଯୋଜନା ବହୁତ ଭଲ । ମେଡିକାଲ କ୍ଷେତ୍ରରେ ରୁପେଶଙ୍କ ଅନେକ ମହତ୍ୱପୁର୍ଣ୍ଣ ଅବଦାନ ରହିଛି ତେଣୁ ପ୍ରଚାର ପାଇଁ ଆସିଲି କାରଣ ମୋର ବିଶ୍ୱାସ ଅଛି ବିଧାୟକ ହେଲା ପରେ ରୂପେଶ ସାଧାରଣ ଲୋକଙ୍କ ସହ ରହିବେ ବୋଲି ଗଣମାଧ୍ୟମକୁ କହିଛନ୍ତି ତେଲୁଗୁ ସୁପରଷ୍ଟାର ସୁମନ । ଚଳିତ ନିର୍ବାଚନରେ ସୁମନଙ୍କ ପ୍ରଚାର ଏବଂ ମାନ୍ୟବର ମୁଖ୍ୟମନ୍ତ୍ରୀଙ୍କ ଯୋଜନା ବିଜେଡି ପାଇଁ ବହୁମାତ୍ରାରେ ସୁଫଳ ମିଳିବ କହିଛନ୍ତି ପାରଳାଖେମୁଣ୍ଡ ବିଜେଡି ବିଧାୟକ ପ୍ରର୍ଥୀ ରୂପେଶ ପାଣିଗ୍ରାହି ।