ବଲାଙ୍ଗୀର ( ବିପ୍ଲବୀ ପରିକ୍ରମା ):- ବଲାଙ୍ଗୀରରେ ରାହୁଲ ଗାନ୍ଧୀ । ରାଜ୍ୟରେ ନିର୍ବାଚନୀ ଉଷ୍ମତା ଭରିରହିଛି । ପ୍ରାର୍ଥୀଙ୍କୁ ସମର୍ଥନକରିବାକୁ ଭୋଟ ମାଗିବାକୁ ପ୍ରଚାର ମୈଦାନରେ ହେଭିଓ୍ୱେଟ । ତେବେ ଜାତୀୟ ଦଳର ଫୋକସରେ ଓଡ଼ିଶା ରହିଛି । ହେଭିଓ୍ବେଟ ନେତାମାନଙ୍କ ଘନ ଘନ ଓଡ଼ିଶା ଗସ୍ତ ଜାରି ରହିଛି । ଏହି କ୍ରମରେ କଂଗ୍ରେସ ସାଂସଦ ରାହୁଲ ଗାନ୍ଧୀ ମଧ୍ୟ ଓଡ଼ିଶା ଗସ୍ତ କରିଛନ୍ତି । ନିର୍ବାଚନୀ ପ୍ରଚାର ପାଇଁ ଆସିଛନ୍ତି ରାହୁଲ ଗାନ୍ଧୀ । ଭୁବନେଶ୍ବର ବିମାନବନ୍ଦରରେ ପହଞ୍ଚି ସିଧାସଳଖ ବଲାଙ୍ଗୀର ଗସ୍ତ କରିଛନ୍ତି । ଜିଲ୍ଲାରେ ରୋଡ଼ ସୋ ଓ ଜନ ସଭା କାର୍ଯ୍ୟକ୍ରମ ରହିଛି । ତାଙ୍କ ସହିତ ତେଲେଙ୍ଗାନା ଡେପୁଟି ମୁଖ୍ୟମନ୍ତ୍ରୀ ମାଲୁ ଭାଟି ଓ ଓଡ଼ିଶା ରାଜ୍ୟ କଂଗ୍ରେସ ପ୍ରଭାରୀ ଅଜୟ କୁମାର ପ୍ରମୁଖ ଆସିଛନ୍ତି । ଅନ୍ୟପଟେ ରାହୁଲ ଗାନ୍ଧୀଙ୍କ ଗସ୍ତ ନେଇ ସୁରକ୍ଷା ବ୍ୟବସ୍ଥା ମଧ୍ୟ କଡାକଡି ରହିଛି ।