କେନ୍ଦ୍ରାପଡ଼ା ( ବିପ୍ଲବୀ ପରିକ୍ରମା ):- ଚଳିତ ନିର୍ବାଚନରେ କେନ୍ଦ୍ର ବିଜେପି ନେତାମାନେ ବାରମ୍ବାର ଆସି ଓଡିଶାରେ ନିର୍ବାଚନ ପ୍ରଚାର କରିବା ସହ ରାଜ୍ୟ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଟାର୍ଗେଟ କରିବାରେ ଲାଗିଛନ୍ତି । ଏହି କ୍ରମରେ ଆଜି ବିଜେପିରେ ଫାୟାରବ୍ରାଣ୍ଡ ନେତ୍ରୀ କୁହାଯାଉଥିବା କେନ୍ଦ୍ରମନ୍ତ୍ରୀ କେନ୍ଦ୍ରାପଡା ଜିଲ୍ଲା ଆଳି ନିର୍ବାଚନ ମଣ୍ଡଳୀରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ।
ସେ ବୈଜୟନ୍ତ ପଣ୍ଡାଙ୍କ ଗୁଣଗାନ କରିବା ସହ ରାଜ୍ୟ ସରକାରଙ୍କୁ ଟାର୍ଗେଟ୍ କରିଥିଲେ । ପ୍ରଥମେ ସେ କଂଗ୍ରେସକୁ ଟାର୍ଗେଟ୍ କରିଥିଲେ । ଏହାପରେ ସେ ପରୋକ୍ଷରେ 5 ଟି ଅଧ୍ୟକ୍ଷ ଭିକେ ପାଣ୍ଡିଆନଙ୍କୁ କଟାକ୍ଷ କରିଥିଲେ । ସେ କହିଥିଲେ କି ଯେଭଳି ଭାବେ ଆମେଠୀରୁ କଂଗ୍ରେସ ବାହାର ହୋଇଗଲା ସେହିଭଳି ଏଠାରୁ ଖୁବଶୀଘ୍ର ତାମିଲନାଡୁର ରିମୋର୍ଟ କଣ୍ଟ୍ରୋଲ ତାମିଲନାଡୁ ଚାଲିଯିବେ ।
ଏନେଇ ସେ ଲୋକଙ୍କର ସହଯୋଗ ଲୋଡିଥିଲେ ।ସେହିଭଳି ରାଜ୍ୟ ସରକାରଙ୍କୁ ସ୍ମୃତି ଇରାନୀ ଅନେକଗୁଡିଏ ପ୍ରଶ୍ନ କରିଛନ୍ତି ।
ସ୍ମୃତି କହିଛନ୍ତି କି, କେନ୍ଦ୍ରାପଡା ଲୋକ ବର୍ଷ ବର୍ଷ ଧରି ଏକ ମେଡିକାଲ କଲେଜ ପାଇଁ ରାଜ୍ୟ ସରକାରଙ୍କ ଠାରେ ଦାବି କରୁଥିବା ବେଳେ ରାଜ୍ୟ ସରକାର କେନ୍ଦ୍ରାପଡାବାସୀଙ୍କ ଦାବିକୁ କାହିଁକି ଅଣଦେଖା କରୁଛନ୍ତି । ଏଭଳି ଅନେକ କଥା କହି ବିଜେଡି କୁ କଟାକ୍ଷ କରିଛନ୍ତି l
