ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ):- ମାଡି ଆସିଲା ପବନ ବରସା, କିଛି କ୍ଷଣ ମଧ୍ୟରେ ଛାରଖାର କରିଦେଲା ସବୁ କିଛି , ତାତିରୁ ଆସ୍ବସ୍ଥି ମିଳିଛି ସତ କିନ୍ତୁ ଅନେକେଙ୍କୁ କ୍ଷତି ପହଞ୍ଚାଇଛି ଅଦିନିଆ ପବନ ବର୍ଷା l ପାରଳାଖେମୁଣ୍ଡିରେ କାଳ ବୈଶାଖୀ ପ୍ରଭାବରେ ପବନ ସାଙ୍ଗକୁ ବର୍ଷା ବେହାଲ, ସବୁ ରାସ୍ତା ଜାମ , ଯେଉଁଠି ନାହିଁ ସେଇଠି ଭାଙ୍ଗି ଟଳି ପଡ଼ିଯାଇଛି ବଡ ବଡ ଗଛ ,ଅନେକ ସ୍ଥାନରେ ବିଦ୍ୟୁତ ତାର ଛିଣ୍ଡି ରାସ୍ତା ଉପରେ ପଡ଼ିଥିବା ବେଳେ ବିଦ୍ୟୁତ ସରବରାହ ବାଧାପ୍ରାପ୍ତ ହୋଇଛି । ସେପଟେ ସହରର ମୁଖ୍ୟ ଚିକିତ୍ସାଳୟ ପରିସ୍ଥିତି ଅତି ଶୋଚନୀୟ, ଆଶୁ ଚିକିତ୍ସା କେନ୍ଦ୍ର ଉପରେ ପଡିଛି ବିରାଟ ଗଛ, ହସ୍ପିଟାଲ ମୁଖ୍ୟ ଫାଟକ ଆଗରେ ମଧ୍ୟ ଗଛ ପଡି ରାସ୍ତା ଅବରୋଧ ହୋଇଛି l ଛାତରୁ ପାଣି ଗଳି ହସ୍ପିଟାଲ ପରିସରରେ ମଧ୍ୟ ପାଣି ରୋଗି ହନ୍ତସନ୍ତ । ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ରହିଥିବା ମଧ୍ୟ ଅନେକ ଗଛ ଭାଙ୍ଗି ପଡ଼ିଯାଇଛି । ଅନ୍ୟ ବସ୍ତି ଅଞ୍ଚଳରେ ମଧ୍ୟ ଅନେକ ଘର ପବନରେ ଉଡିଯାଇଥିବା ବେଳେ ବାସହରା ହୋଇପଡିଛନ୍ତି ଅନେକ ବସ୍ତିବାସିନ୍ଦା ।