କାଶୀନଗର ( ବିପ୍ଲବୀ ପରିକ୍ରମା ):- କାଶୀନଗର ଏନ୍ଏସି ଶ୍ରୀରାମ କଲେଜ ନିକଟସ୍ଥ ବଂଶାଧାରା ନଦୀ ଗାଧୂଆ ତୁଠ ରେ ମଧ୍ୟାହ୍ନ ସମୟରେ ପାସୂପୁ ରେଡ୍ଡୀ ବୁଚି (୪୩) ନାମକ ଜଣେ ବ୍ୟକ୍ତିଙ୍କ ଜଳ ଘାଟରେ ବୁଡ଼ି ମୃତ୍ୟୁ ଘଟିଛି। ସେ ବୁଡ଼ି ଯାଉଥିବା ଦେଖି ସାହି ର ଲୋକ ମାନେ ଯାଇ ତାକୁ ନଦୀ ଘାଟରୁ ଉଦ୍ଧାର କରି ଥାନାରେ ସୂଚନା ଦେଇଥିଲେ। କାଶୀନଗର ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ପଠାଇଥିଲେ। କାଶୀନଗର ଥାନାରେ ୩/୨୪ ରେ ଏକ ଅପମୃତ୍ୟୁ ମାମଲା ପଞ୍ଜୀକୃତ ହୋଇଥିବା ଏସ.ଆଇ ମନୋଜ କୁମାର ପାଢ଼ୀ ସୂଚନା ଦେଇଛନ୍ତି।