ଦୃଘଟଣା ପରେ ହୁତୁ ହୁତୁ ହୋଇ ଜଳିଗଲା କାର ଅଳ୍ପକେ ବର୍ତିଲେ ୩ଜଣ
କରଞ୍ଜିଆ ( ବିପ୍ଲବୀ ପରିକ୍ରମା ):– କରଞ୍ଜିଆ ରୁ ଭୁବନେଶ୍ଵର ଯାଉଥିବା ଏକ କାର ଠାକୁରମୁଣ୍ଡା ନିକଟରେ ଦୁର୍ଘଟଣାଗ୍ରସ୍ତ ହୋଈ ରାସ୍ତା କଡରେ କାର ଟି ହୁତୁହୁତୁ ହେଇ ଜଳିଯାଇଛି। କାରରେ ଥିବା ୩ ଜଣ ଯୁବକ ଏକ ବଡ ଦୁର୍ଘଟଣା ରୁ ବର୍ତ୍ତୀ ଯାଇଛନ୍ତି । ଘଟଣା ସ୍ଥଳରୁ ୧୦୮ ଆମ୍ବୁଲାନ୍ସ ଯୋଗେ ୩ ଜଣକୁ ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ଚିକିତ୍ସାଳୟରେ ଭର୍ତ୍ତି କରାଯାଇଛି। Iସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ ମେଡିକାଲ କୁ ସ୍ଥାନାନ୍ତର କରାଯାଇଛି । ତେବେ ସୂଚନା ରୁ ଯାହା ପ୍ରକାଶ କି କରଞ୍ଜିଆ ବ୍ଲକ ତାଟ ଅଞ୍ଚଳରୁ ଚିତ୍ତରଞ୍ଜନ ନାୟକ ବୟସ ୨୨, ଝରଣ କୁମାର ମହାନ୍ତ ବୟସ ୩୦ ଓ କମଳକୃଷ୍ଣ ମହାନ୍ତଙ୍କୁ ଗୋଟିଏ ସୁଇପ୍ଟ ଡିଜାର କାର ନମ୍ବର ଓଡି଼ ୧ସି ୪୧୨୨ ଯୋଗେ ବାହାଘର ପାଇଁ ମାର୍କେଟିଙ୍ଗ କରିବାକୁ କଟକ ଯାଉଥିବା ବେଳେ ଠାକୁରମୁଣ୍ଡା ଠାରୁ ୨କିଲ ମିଟର ଦୂର ଚମକପୁର ନିକଟରେ ଦିନ ପ୍ରାୟ ୩ ଟା ସମୟରେ କାରଟି ଭାରସାମ୍ୟ ହରାଇ ରାସ୍ତା କଡ ଗଛରେ ପିଟି ହୋଈ ଯାଇ ଦୁର୍ଘଟଣାଗ୍ରସ୍ତ ହୋଇଥିଲା ।
ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ସହାୟତା ରେ କାର ଭିତରୁ ସେମାନ ଉଦ୍ଧାର କରି ଚିକିତ୍ସା ପାଇଁ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରାଯାଇଥିଲା । ଦୁର୍ଘଟଣା ପରେ କୌଣସି କାରଣରୁ କାରଟିରେ ନିଆଁ ଲାଗି ଜଳି ଯାଇଥିଲା। କାରରେ ନିଆଁ ଜଳିବା ଦେଖୁ ଲୋକେ ଠାକୁରମୁଣ୍ଡା ଅଗ୍ନିଶମ ବିଭାଗ କୁ ଖବର ଦେବା ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି କାରର ନିଆଁକୁ ଆୟତ କରିଥିଲେ। ଦୁର୍ଘଟଣା ପରେ ଉଦ୍ଧାର ହୋଇ ଚିକିତ୍ସିତ ହେଉ ଥିବା ଜଣଙ୍କ ମଧ୍ୟରୁ କମଳା କୃଷ୍ଣ ମହାନ୍ତଙ୍କ ଙ୍କ ଅବସ୍ଥା ଗୁରୁତର ହେବାରୁ ତାକ କଟକ ମେଡିକାଲକୁ ସ୍ଥାନାନ୍ତର କରାଯାଇଛି । ଦୃଘଟଣା ପରେ ଘଟଣାସ୍ଥଳରେ ଠାକୁରମୁଣ୍ଡା ଥାନା ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରୁଛି।