ଝାଡଖଣ୍ଡ ରାଜ୍ୟ ସୀମାନ୍ତ ଗୁଆ ଥାନା ଅନ୍ତର୍ଗତ ଲିପୁଙ୍ଗା ଗ୍ରାମରେ ସୁରକ୍ଷା କର୍ମୀଙ୍କ ଦ୍ବାରା ୪ ନକ୍ସଲ ନିହତ ଓ ଦୁଇ ଗିରଫ
କେନ୍ଦୁଝର ( ବିପ୍ଲବୀ ପରିକ୍ରମା ):- କେନ୍ଦୁଝର ଜିଲ୍ଲା ସୀମାକୁ ଲାଗିଥିବା ଝାଡଖଣ୍ଡ ରାଜ୍ୟର ପଶ୍ଚିମ ସିଂଭୂମ ଜିଲ୍ଲା, ଗୁଆ ଥାନା ଅନ୍ତର୍ଗତ ଲିପୁଙ୍ଗା ଗ୍ରାମରେ ଆଜି ସକାଳୁ ନକ୍ସଲ ଓ ସୁରକ୍ଷା କର୍ମୀଙ୍କ ମଧ୍ୟରେ ଏନକାଉଣ୍ଟର ହୋଇଥିବା ଜଣା ପଡିଛି। ସୂଚନାନୁସାରେ ଏହି ଥାନା ଅନ୍ତର୍ଗତ ସୀମାବର୍ତ୍ତି ଜଙ୍ଗଲରେ ସୁରକ୍ଷାକର୍ମୀ ସର୍ଚ୍ଚ ଅପରେସନ କରୁଥିବା ବେଳେ ନକ୍ସଲ ମାନେ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିଥିଲେ।
ଫଳରେ ଉଭୟ ପକ୍ଷରୁ ଗୁଳି ବିନିମୟରେ ଜଣେ ମହିଳା ନକ୍ସଲ ସମେତ ୪ ଜଣ ନକ୍ସଲ ନିହତ ହୋଇଥିବା ବେଳେ ୨ ଜଣ ଗିରଫ ହୋଇଛନ୍ତି। ଏହି ଏନକାଉଣ୍ଟର ଘଟଣା ପରେ ସୁରକ୍ଷା କର୍ମୀଙ୍କ ଦ୍ବାରା ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଥିବା ସୂଚନା ମିଳିଛି।