ମୁଖ୍ୟମନ୍ତ୍ରୀ ମୋହନ ମାଝୀଙ୍କ କଟକ ଗସ୍ତ
କଟକ ( ବିପ୍ଲବୀ ପରିକ୍ରମା ):- ମୁଖ୍ୟମନ୍ତ୍ରୀ ମୋହନ ମାଝୀ କଟକ ଗସ୍ତରେ ଆସି ଓଡିଆ ବଜାର ସ୍ଥିତ ନେତାଜୀ ସୁବାଷ ବୋଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି। ଏହା ସହ ନେତାଜୀ ଜନ୍ମସ୍ଥାନ ସଂଗ୍ରାହଳୟର ସମସ୍ତ କୋଠରୀ ବୁଲି ଦେଖିଥିଲେ। ଏହା ପରେ ବକ୍ସିବଜାର ସ୍ଥିତ ସମାଜ ଅଫିସରେ ପହଞ୍ଚି ଉତ୍କଳମଣି ଗୋପବନ୍ଧୁ ଦାସ ଏବଂ କ୍ୟାଣ୍ଟନମେଣ୍ଟ ରୋଡରେ ଉତ୍କଳଗୌରବ ମଧୂସୂଦନ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ଏହି ଅବସରରେ ମୁଖ୍ୟମନ୍ତ୍ରୀ ପ୍ରତିକ୍ରିୟା ଦେଇ କହିଛନ୍ତି ଓଡିଆ ଅସ୍ମିତା ରକ୍ଷା କରିବାକୁ ଏ ସରକାର ସଂକଳ୍ପବଦ୍ଧ। ତେଣୁ ଓଡିଶାର ବରପୁତ୍ରମାନଙ୍କୁ ସମ୍ମାନ ଜଣାଇ ସରକାର କାର୍ଯ୍ୟ କରୁଛନ୍ତି। ଆଗାମୀ ଦିନରେ ସମସ୍ତ ବିକାଶମୂଳକ କାର୍ଯ୍ୟର ସମୀକ୍ଷା କରି ତ୍ବରାନ୍ବିତ କରାଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।