ବାରମ୍ବାର ବିଦ୍ୟୁତ କାଟ୍ କୁ ନେଇ ନିର୍ବାହୀ ଯନ୍ତ୍ରୀ ଓ ପାୱାର ହାଉସ କାର୍ଯ୍ୟାଳୟ ଘେରାଉ
ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା ଗୋଶାଣୀ ବ୍ଳକର କେରାଣ୍ଡି ପଞ୍ଚାୟତର ଅମରା ଓ ଡାଳିମ୍ବ ପୁରର ଓ ଗୁମ୍ଫା ବ୍ଲକର ଅଣ୍ଡରସିଂ ଗ୍ରାମବାସୀ ବାରମ୍ବାର ବିଦ୍ୟୁତ କାଟ୍ କୁ ନେଇ ନିର୍ବାହୀଯନ୍ତ୍ରୀ କାର୍ଯ୍ୟାଳୟ ଓ ପାୱାର ହାଉସ ଘେରାଉ କରିଥିବାର ଦେଖିବାକୁ ମିଳିଛି।ସକାଳ ଠାରୁ ସନ୍ଧ୍ୟା ପର୍ଯ୍ୟନ୍ତ ବାରମ୍ବାର ବିଦ୍ୟୁତ କାଟ୍ ହେଉଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ ପାଇଛି। ଏହି ଦୁଇ ବ୍ଲକ୍ ର ଗ୍ରାମବାସୀ କହିବା ଅନୁସାରେ ଏହି ସମସ୍ୟା ଦୀର୍ଘ ବର୍ଷ ହେଲା ଲାଗିରହିଛି । ଏହି ସମସ୍ୟା ସମ୍ପର୍କରେ ନିର୍ବାହୀ ଯନ୍ତ୍ରୀଙ୍କୁ ବାରମ୍ବାର ଅବଗତ କରାଇଥିଲେ ସୁଦ୍ଧା କୌଣସି ପଦକ୍ଷେପ ନେଉନାହାନ୍ତି। ଯାହା ଫଳରେ ଏହି ଦୁଇ ବ୍ଲକ ର ଗ୍ରାମବାସୀ ବହୁ ଅସୁବିଧାର ସମ୍ମୁଖୀନ ହେଉଥିବା ର ପ୍ରକାଶ କରିଛନ୍ତି।ଯଦି ଆଗାମୀ ଦିନରେ ଏହି ସମସ୍ୟା ର ସମାଧାନ ନ ହୁଏ ତାହାହେଲେ ଗ୍ରାମବାସୀ ମାନେ ରାଜ୍ ରାସ୍ତାକୁ ଓହ୍ଲାଇବେ ବୋଲି ଏହି ଦୁଇ ବ୍ଲକ ରେ ଗ୍ରାମବାସୀ ଚେତାବନୀ ଦେଇଛନ୍ତି l