କଣ୍ଡରା ନିକଟସ୍ଥ ଦୋକାନ ଭିତରକୁ ପଶିଲା ଟ୍ରଲର, ଚାଳକ ଗୁରୁତର ଓ ୨ ଆହତ
କେନ୍ଦୁଝର (ବିପ୍ଲବୀ ପରିକ୍ରମା ):- ରବିବାର ଅପରାହ୍ନରେ କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ ୫୨୦ ନମ୍ବର ଜାତୀୟ ରାଜପଥର କଣ୍ଡରା ନିକଟରେ ଏକ ଦୋକାନ ଭିତରକୁ ଟ୍ରଲର ପଶି ଯିବାରୁ ଦୁର୍ଘଟଣା ଘଟିଥିବା ଜଣା ପଡିଛି। ଟ୍ରଲର ଦୃତ ଗତିରେ ଆସି ରାସ୍ତା କଡ଼ରେ ଥିବା ଏକ ଦୋକାନ ଭିତରକୁ ପଶି ଯାଇଥିଲା। ଫଳରେ ଚାଳକ ଗୁରୁତର ହୋଇଥିବା ବେଳେ ଅନ୍ୟ ୨ ଜଣ ଆହତ ହୋଇଥିବା ଜଣାପଡିଛି। ସ୍ଥାନୀୟ ଲୋକେ ଗୁରୁତର ଆହତଙ୍କୁ ଉଦ୍ଧାର କରି ମେଡିକାଲ ପଠାଇଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ରହିଛି।