ବଡବିଲ ଭୋଳା ଗ୍ୟାରେଜ ନିକଟସ୍ଥ ମୋଟର ଇଲେକ୍ଟ୍ରିକାଲ ପାର୍ଟ୍ସ୍ ଦୋକାନରୁ ନଗଦ ସମେତ ଲକ୍ଷାଧିକ ଟଙ୍କାର ଜିନିଷ ଚୋରି
କେନ୍ଦୁଝର ( ବିପ୍ଲବୀ ପରିକ୍ରମା ):- କେନ୍ଦୁଝର ଜିଲ୍ଲା ବଡବିଲ ଥାନା ଅନ୍ତର୍ଗତ ସହରର ଭୋଳା ଗ୍ୟାରେଜ ନିକଟସ୍ଥ ଏକ ମୋଟର ଇଲେକ୍ଟ୍ରିକାଲ ପାର୍ଟ୍ସ୍ ଦୋକାନରୁ ଗତ ରାତିରେ ବଡ ଧରଣର ଚୋରି ହୋଇଥିବା ଜଣା ପଡିଛି। ଚୋରମାନେ ଦୋକାନର ଆଜବେଷ୍ଟର ଭାଙ୍ଗି ଦୋକାନ ଭିତରକୁ ପ୍ରବେଶ କରି ପ୍ରାୟ ୬ ଲକ୍ଷ ଟଙ୍କାର ମୋଟରପାର୍ଟ୍ସ୍ ସହ କାଉଣ୍ଟରରେ ଥିବା ନଗଦ ପ୍ରାୟ ଦେଢ ଲକ୍ଷ ଟଙ୍କା ଚୋରି କରି ଦୋକାନ ପଛ କବାଟ ଖୋଲି ରେଳ ଲାଇନ୍ ଦେଇ ଫେରାର ହୋଇଛନ୍ତି। ଆଜି ସକାଳୁ ଦୋକାନ ମାଲିକ ଦୋକାନ ଖୋଲିବା ପରେ ଚୋରି ହୋଇଥିବା ଜାଣିବାକୁ ପାଇଥିଲେ। ଏନେଇ ସେ ଆଖ ପାଖ ଲୋକଙ୍କୁ ଜଣାଇବା ସହ ବଡବିଲ ପୋଲିସକୁ ସୂଚନା ଦେଇଥିଲେ। ସୂଚନା ପାଇ ପୋଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଥିବା ଦେଖା ଯାଇଥିଲା।