ଓଲଟିଲା ପୋଲିସ ଭ୍ୟାନ, ହୀରାକୁଦ ଥାନାର ଏସଆଇ ସମେତ ୫ ଆହତ
ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା ମୋହନା ଥାନା ଆକିଲି ନିକଟରେ ଓଲଟିଲା ପୋଲିସ ଭ୍ୟାନ l ଏହି ଦୁର୍ଘଟଣାରେ ହୀରାକୁଦ ଥାନାର ସବଇନ୍ସପେକ୍ଟରଙ୍କ ସମେତ ଭ୍ୟାନରେ ଥିବା ୫ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି l ଆହତ ମାନେ ହେଲେ ସବଇନ୍ସପେକ୍ଟର ବେଦବ୍ୟାସ ନନ୍ଦ, କନଷ୍ଟେବଳ ଶିବୁ ଦେହୁରୀ, ସୁଜିତ ନାୟକ, ଧିରେନ ନାୟକ ଓ ରଞ୍ଜନ l ସମସ୍ତ ଆହତଙ୍କୁ ଚିକିତ୍ସା ପାଇଁ ମୋହନା ମେଡିକାଲ ରେ ଭର୍ତି କରାଯାଇଛି l ଏକ ମାମଲାର ତଦନ୍ତ ପାଇଁ ହୀରାକୁଦ ଥାନାର ଏକ ଟିମ ମୋହନା ଆସିଥିଲେ l ଅପରାହ୍ନ ପ୍ରାୟ ୬ଟାରେ ଚନ୍ଦ୍ରଗିରି ଅଞ୍ଚଳରୁ ମୋହନା ଆସୁଥିବା ବେଳେ ଭ୍ୟାନ ଟି ଆକିଲି ନିକଟରେ ଭରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା l ଫଳରେ ଏଥିରେ ଥିବା ୫ ପୋଲିସ କର୍ମଚାରୀ ଆହତ ହୋଇଛନ୍ତି l