ଗଞ୍ଜାମରେ ବଧୁହତ୍ୟା ଅଭିଯୋଗ
ଗଞ୍ଜାମ ( ବିପ୍ଲବୀ ପରିକ୍ରମା ):- ଗଞ୍ଜାମ ଜିଲ୍ଲା ଭଂଜନଗର ଥାନା ଅନ୍ତର୍ଗତ ବେଣାକୁନ୍ଦା ଗାଁରେ, ବଧୁହତ୍ୟା ଅଭିଯୋଗ । ମୃତକ ଜଣକ, ଜାଗୃତି ଜେନା । ଏନେଇ ମୃତ ମହିଳାଙ୍କ ବାପଘର ପକ୍ଷରୁ, ଭଂଜନଗର ଥାନାରେ ଲିଖିତ ଅଭିଯୋଗ ହୋଇଛି । ମୃତଦେହ ଶଶୁର ଘରେ ରହିଥିବା ବେଳେ, ବୁଧବାର ଦିନ ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ କରାଯିବ ବୋଲି ଥାନା ସୂତ୍ରରୁ ଜଣାପଡ଼ିଛି । ମୃତ ମହିଳାଙ୍କ ବାପଘର, ବାଲିପଦର ଫାଣ୍ଡି ଅନ୍ତର୍ଗତ ବିଷ୍ଣୁଚକ୍ର ଗ୍ରାମରେ ହୋଇଥିବା ବେଳେ ଗତ କିଛିବର୍ଷ ହେବ ତାଙ୍କର ବିବାହ ହୋଇଥିଲା । ତାଙ୍କର ଦୁଇଟି ସନ୍ତାନ ମଧ୍ୟ ରହିଛନ୍ତି । ତଦନ୍ତ ପରେ, ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଥାନାଧିକାରୀ ସୂଚନା ଦେଇଛନ୍ତି ।