ଆଜି ଦେଶର ୭ଟି ରାଜ୍ଯର ୧୩ଟି ବିଧାନସଭା ଆସନରେ ଉପନିର୍ବାଚନ
ବିପ୍ଲବୀ ପରିକ୍ରମା ବ୍ୟୁରୋ :- ଆଜି ଦେଶର ୭ଟି ରାଜ୍ଯର ୧୩ଟି ବିଧାନସଭା ଆସନରେ ହେଉଛି ଉପନିର୍ବାଚନ । ବିହାର, ପଶ୍ଚିମବଙ୍ଗ, ମଧ୍ଯପ୍ରଦେଶ, ତାମିଲନାଡ଼ୁ, ଉତ୍ତରାଖଣ୍ଡ, ପଞ୍ଜାବ ଏବଂ ହିମାଚଳପ୍ରଦେଶର ୧୩ଟି ସିଟରେ ଭୋଟ ଗ୍ରହଣ ଆରମ୍ଭ ହୋଇଛି । ବିହାରର ଗୋଟିଏ, ବଙ୍ଗର ୪ଟି, ତାମିଲନାଡୁର ଗୋଟିଏ, ମଧ୍ୟପ୍ରଦେଶର ଗୋଟିଏ, ଉତ୍ତରପ୍ରଦେଶର ଦୁଇଟି, ପଞ୍ଜାବର ଗୋଟିଏ ଏବଂ ହିମାଚଳର ୩ଟି ଆସନରେ ଉପନିର୍ବାଚନ ଅନୁଷ୍ଠିତ ହେଉଛି । ପୂର୍ବରୁ ଏହି ଆସନରେ ୩ଟିରେ ବିଜେପି, ୨ଟିରେ କଂଗ୍ରେସ, ଆପ୍, ଡ଼ିଏମକେ , ଟିଏମସି, ବସପା ଗୋଟିଏ ଲେଖାଏଁ ଏବଂ ୩ଟି ଆସନରେ ସ୍ବାଧୀନ ପ୍ରାର୍ଥୀ ବିଜୟ ଲାଭ କରିଥିଲେ । ଲୋକସଭା ନିର୍ବାଚନରେ ବିଜୟୀ ଓ କିଛି ବିଧାୟକଙ୍କ ମୃତ୍ଯୁ ପରେ ଉପନିର୍ବାଚନ ଅନୁଷ୍ଠିତ ହେଉଛି । ଆସନ୍ତା ୧୩ ତାରିଖରେ ନିର୍ବାଚନ ଫଳାଫଳ ପ୍ରକାଶ ପାଇବ ।