ଗଜପତି ( ବିପ୍ଲବୀ ପରିକ୍ରମା ଡିଜିଟାଲ ):- ଆର.ଉଦୟଗିରି ଥାନା ଅଞ୍ଚଳରୁ ବିପୁଳ ପରିମାଣର ଗଞ୍ଜେଇ ଜବତ କରିବାରେ ସଫଳ ହୋଇଛି ପୋଲିସ। ବାହାର ରାଜ୍ୟକୁ ଚାଲାଣ କରୁଥିବା ବେଳେ ୧୧ଟି ଜରି ବସ୍ତାରେ ଭର୍ତ୍ତି ହୋଇଥିବା ୩ କ୍ୟୁଣ୍ଟାଲ ୮୫ କିଲୋ ଗଞ୍ଜେଇ ସହ ଦୁଇ ସନ୍ଦିଗ୍ଧକୁ ଗିରଫ କରିଛି ପୋଲିସ । ଏନେଇ ଗଜପତି ଜିଲ୍ଲା ଆରକ୍ଷୀ ଅଧୀକ୍ଷକ ଜତିନ୍ଦ୍ର କୁମାର ପଣ୍ଡା ଜିଲ୍ଲା ପୋଲିସ କାର୍ଯ୍ୟାଳୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି । ସୂଚନା ମୁତାବକ, ଅଞ୍ଚଳରୁ ଗଞ୍ଜେଇ ଚାଲାଣ ହେଉଥିବା ନେଇ ବିଶ୍ବସ୍ତ ସୂତ୍ରରୁ ଖବର ପାଇ ଆର.ଉଦୟଗିରି ଥାନା କଙ୍କଡାଗୁଡା ଠାରୁ ତୁମନ ରାସ୍ତାରେ ପୋଲିସ ପେଟ୍ରୋଲିଂ ଆରମ୍ଭ କରିଥିଲା। ଏହି ସମୟରେ ଏକ ଗଞ୍ଜେଇ ଭର୍ତ୍ତି ବୋଲେରୋ ସହ ଟିକାମାଳ ଗ୍ରାମର ଦୁଇ ସନ୍ଦିଗ୍ଧ ଅଭିଯୁକ୍ତକୁ ଗିରଫ କରିଥିବା ବେଳେ ଅନ୍ୟ ତିନି ଜଣ ଫେରାର ହୋଇଯାଇଛନ୍ତି। ଏଥିରେ ବ୍ୟବହୃତ ଦୁଇ ବାଇକ ସହ ଦୁଇଟି ମୋବାଇଲ ଫୋନ ଜବତ୍ କରିଛି ପୋଲିସ। ଏନେଇ ଆର.ଉଦୟଗିରି ଥାନାରେ ୧୬୭/୨୪ ରେ ଏକ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି ପୋଲିସ। ତେବେ ଖୁବ୍ ଶୀଘ୍ର ଫେରାର ଅଭିଯୁକ୍ତଙ୍କୁ ଧରାଯିବ ବୋଲି କହିଛନ୍ତି ଏସପି ଜତିନ୍ଦ୍ର କୁମାର ପଣ୍ଡା।