ଗଞ୍ଜାମ ( ବିପ୍ଲବୀ ପରିକ୍ରମା ):- ଗଞ୍ଜାମ ଜିଲ୍ଲା ବଡଗଡ଼ ଥାନା ଅନ୍ତର୍ଗତ ଜଗନ୍ନାଥପୁର ଶାସନର ୩୫ ବର୍ଷୀୟ ନିଲୁ ବିଷୋୟୀ ଙ୍କ ମୃତ ଦେହ ଚତରା ବନ୍ଧ ନିକଟରେ ଥିବା ଚୂନନାଳ ଠାରୁ ଠାବ ହୋଇଛି । ମୃତକ ଙ୍କ ବେକରେ ରକ୍ତ ଚିହ୍ନ ରହିଛି । ପ୍ରତାପୁର ନିକଟ ଚୂନ ନାଳ ଦେଇ ବହି ଯାଉଥିବା ପାଣିରେ କଢ଼େଇ ହୋଇ ନୀଲୁର ମର ଶରୀର ପଡିଥିବା ଦେଖିବାକୁ ମିଳିଛି । ତେବେ ସୂଚନା ଅନୁଯାୟୀ,ମୃତ ନିଲୁ ଗତକାଲି ଘରୁ ସନ୍ଧ୍ୟାରେ ଯାଇ ରାତ୍ରିରେ ଆଉ ଫେରିନଥିଲେ। ଆଉ ଆଜି ସକାଳୁ ତାଙ୍କ ମୃତ ଦେହ ମିଳିଛି । ତେବେ ନିଲୁର ଙ୍କୁ ହତ୍ୟା କରାଯାଇଥିବା ନେଇ ପରିବାର ପକ୍ଷରୁ କୁହାଯାଇଛି । ବଡଗଡ଼ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ତଦନ୍ତ ଚଳାଇଛି। ହତ୍ୟାର କାରଣ ଏଯାବତ ଅସ୍ପଷ୍ଟ ରହିଛି। ତେବେ ମୃତ ନିଲୁଙ୍କ ସ୍ତ୍ରୀ ,ପୁଅ ଓ ଦୁଇ ଝିଅ ରହିଥିବା ସୂଚନା ମିଳିଛି l ଘଟଣା ସ୍ଥଳକୁ ଆସିକା ଏସଡିପିଉ ଉମା ଶଙ୍କର ସିଂ, ବଡ଼ଗଡ଼ ଥାନା ଅଧିକାରୀ ସନ୍ଧ୍ୟା ରାଣୀ ସିଂ, ଧରାକୋଟ ଥାନା ଅଧିକାରୀ ଶ୍ରଦ୍ଧାଞ୍ଜଳି ସୁବୁଦ୍ଧି ପହଂଚି ତଦନ୍ତ ଚଳାଇଛନ୍ତି I ସାଇଣ୍ଟିଫିକ ଟିମ ପହଂଚି ହତ୍ୟା କାଣ୍ଡ ଉପରେ ତଦନ୍ତ ଚଳାଇଥିବା ପୋଲିସ ପକ୍ଷରୁ ସୂଚନା ମିଳିଛି l