ଗୋପାଳପୁର ( ବିପ୍ଲବୀ ପରିକ୍ରମା ):- ସାମ୍ବାଦିକଙ୍କୁ ପଥରରେ ଛେଚି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ । ଗୋପାଳପୁର ଥାନା ଅଧୀନସ୍ଥ ରେଓ ସାହିରେ ଏକ ବନ୍ଦଘରୁ ଶବକୁ ଜବତ କରିଛି ପୋଲିସ । ହତ୍ୟାର ଶିକାର ହୋଇଥିବା ସାମ୍ବାଦିକ ଜଣଙ୍କ ହେଲେ ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଖଇରପୁଟି ଗ୍ରାମର ଜଗନ୍ନାଥ ନାୟକ । ପରିବାର ଙ୍କ କହିବା ଅନୁଯାୟୀ ଜଗନ୍ନାଥ ଗତକିଛି ମାସ ଧରି ଗୋପାଳପୁର ବେଳାଭୂମିରେ ଏକ ଫାଷ୍ଟ ଫୁଡ୍ ଦୋକାନ ଚଳାଇ ଆସୁଥିବା ବେଳେ ଗତ ମଙ୍ଗଳବାର ଦିନ ଠାରୁ ଜଗନ୍ନାଥ ଙ୍କ ଫୋନ୍ ସୁଉଚ୍ ଅଫ ଆସିଥିଲା । ଜଗନ୍ନାଥ ଙ୍କ ଭାଇ ଆଜି ଗୋପାଳପୁର ଆସି ଯେଉଁ ଘରେ ଜଗନ୍ନାଥ ଭଡା ରେ ରହୁଥିଲେ ସେହି ଯାଞ୍ଚ ବେଳେ ଭିତର ପଟୁ କବାଟ ପଡ଼ିଥିବା ସହ ଘରୁ ଦୁର୍ଗନ୍ଧ ଆସୁଥିବା ଜାଣିବାକୁ ପାଇଥିଲେ । ଏନେଇ ଜଗନ୍ନାଥ ଙ୍କ ଭାଇ ଗୋପାଳପୁର ଥାନା ପୋଲିସ କୁ ଖବର ଦେଇଥିଲେ । ଖବର ପାଇଁ ଗୋପାଳପୁର ପୋଲିସ ଘଟଣା ସ୍ଥଳରେ ପହଞ୍ଚି କବାଟ ଭାଙ୍ଗି ଦେଖିବା ପରେ ଜାଣିବାକୁ ପାଇଥିଲେ ଏହାଏକ ହତ୍ୟା ବୋଲି । ତିନି ରୁ ଚାରି ଦିନ ଧରି ହତ୍ୟା କରାଯାଇଥିବାବେଳେ ପାଖରେ ଏକ ପଥର ଓ ଲୁହା ରଡ଼ ପଡ଼ିଥିବା ଦେଖିବାକୁ ପାଇଥିଲେ। ପରେ ବ୍ରହ୍ମପୁର ଏସ୍.ପି ଘଟଣା ସ୍ଥଳରେ ପହଞ୍ଚି ଅନୁଧ୍ୟାନ କରିବା ସହ ଶବକୁ ଜବତ କରାଯାଇଥିଲା । ଅନ୍ୟପଟେ ଜଗନ୍ନାଥ ଏକ ରାଜନୈତିକ ଦଳରେ ସକ୍ରିୟ ଥିଲେ ବୋଲି ଜଣା ପଡିଛି । ପରିବାରଙ୍କ ଅଭିଯୋଗ କୁ ଆଧାର କରି ଏକ ହତ୍ୟା ମାମଲା ରୁଜୁ ହୋଇଥିବା ବେଳେ ଅଧିକ ତଦନ୍ତ କରୁଛି ପୋଲିସ ।