ଉଦଳା ( ବିପ୍ଲବୀ ପରିକ୍ରମା ):- ଲକ୍ଷାଧିକ ଟଙ୍କାର ମୂଲ୍ୟବାନ ସାଗୁଆନ କାଠ ଜବତ। କାଠ ବୋଝେଇ ଏକ ଗାଡି କୁ ବନ ବିଭାଗ ଜବତ କରିଥିବା ବେଳେ ଫେରାର ହୋଇଯାଇଛି ଡ୍ରାଇଭର। ଉଦଳା ବନ ବିଭାଗ ସ୍ଥାନୀୟ ଦୁଗୁଧା ଗ୍ରାମ ନିକଟରେ ଚଢ଼ାଉ କରିଥିବା ବେଳେ ଚୋରା ଚାଲାଣ ହେଉଥିବା ଟାଟା ଏସି ଗାଡିକୁ ଜବତ କରିଛି। ବନ ବିଭାଗ କୁ ଦେଖି ଗାଡିର ଚାଳକ ଗାଡି ଛାଡି ଫେରାର ହୋଇଯାଇଥିବା ବେଳେ ବନ ବିଭାଗ କେବଳ କାଠ ଭର୍ତ୍ତି ଗାଡିକୁ ଜବତ କରିଛି।
ଜବତ ଟାଟାଏସି ଗାଡିରେ ୫୦ ପିସ ମୂଲ୍ୟବାନ ସାଗୁଆନ କାଠ ରହିଥିବା ବେଳେ ଜବତ କାଠର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ ବୋଲି କହିଛି ବନ ବିଭାଗ। କାଠ ଗୁଡିକ କୁଣ୍ଡାବାଇ ଅଞ୍ଚଳରୁ ଉଦଳା ଅଂଚଳକୁ ଆସୁଥିବା ବେଳେ ଖବର ପାଇ ବନ ବିଭାଗ ଉକ୍ତ ଗାଡିକୁ ଜବତ କରିଛି।