ଗଜପତି ( ବିପ୍ଲବୀ ପରିକ୍ରମା ):- -ସର୍ବସାଧାରଣଙ୍କ ସମ୍ମୁଖରେ ଟାୱାର ଉପରୁ ତଳକୁ ଡେଇଁ ଯୁବକର ଆତ୍ମହତ୍ୟା। ଏଭଳି ଏକ ଅଭାବନୀୟ ଘଟଣା ଘଟିଛି ସେରଙ୍ଗ ଥାନା ଏବଂ ଖଜୁରୀପଦା ଫାଣ୍ଡି ଅନ୍ତର୍ଗତ ନୁଆଗଡ଼ ଗ୍ରାମରେ । ମୃତ ଯୁବକ ଜଣକ ନୁଆଗଡ଼ ଗ୍ରାମର ୨୮ ବର୍ଷୀୟ ଟୁନା ସୁବୁଦ୍ଧି। ସୂଚନା ପ୍ରକାରେ କୌଣସି କାରଣରୁ ସକାଳ ୮ଟା ସମୟରେ ଟାଓ୍ବାର ଉପରେ ଚଢ଼ି ଆତ୍ମହତ୍ୟା କରିବା ଧମକ ଦେଉଥିଲେ। ଖବର ପାଇ ଘଟଣା ସ୍ଥଳରେ ପହଞ୍ଚିଥିଲେ ନୁଆଗଡ଼ ଅଗ୍ନିଶମ କର୍ମଚାରୀ ଓ ଗ୍ରାମବାସୀ। ଯୁବକଙ୍କୁ ଉଦ୍ଧାର କରିବାକୁ ବହୁ ଉଦ୍ୟମ କରୁଥିବାବେଳେ ସର୍ବସାଧାରଣଙ୍କ ସମ୍ମୁଖରେ ତଳକୁ ଡେଇଁ ପଡ଼ିଥିଲେ ଯୁବକ।
ଅଗ୍ନିଶମ କର୍ମଚାରୀ ତାଙ୍କୁ ତୁରନ୍ତ ଖଜୁରୀପଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା ସେଠାରେ ଡାକ୍ତର ମିନତି ମହାନ୍ତ ତାଙ୍କୁ ମୃତ ଘୋଷଣା କରିଛନ୍ତି। ମୃତ ଟୁନା ସୁବୁଦ୍ଧି ବିବାହିତ ଏବଂ ତାଙ୍କର ପୁଅଝିଅ ଦୁଇଟି ଥିବା ଜଣାପଡ଼ିଛି । ପୋଲିସ ଘଟଣାସ୍ଥଳରେ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରି ଶବକୁ ବ୍ୟବଚ୍ଛେଦ ନିମନ୍ତେ ପାରଳାଖେମୁଣ୍ଡି ଜିଲ୍ଲା ସ୍ବାସ୍ଥ୍ୟ କେନ୍ଦ୍ରକୁ ପଠାଯାଇଥିବା ଖଜୁରୀପଦା ଫାଣ୍ଡି ଅଧିକାରୀ ପ୍ରଫୁଲ୍ଲ ଜାଗାରାଙ୍ଗା ସୂଚନା ଦେଇଛନ୍ତି।