(ବିପ୍ଲବୀ ପରିକ୍ରମା ବ୍ୟୁରୋ);ଜଙ୍ଗଲ ଭିତରୁ ସଂଜ୍ଞାହୀନ ଅବସ୍ଥାରେ ଉଧାର ହୋଇଥିବା ବ୍ୟବସାୟୀଙ୍କୁ , ଡାକ୍ତରଖାନାରେ ମୃତ ଘୋଷଣା । ଏନେଇ ହତ୍ୟା ଅଭିଯୋଗ ଆଣିଛନ୍ତି ପରିବାର ଲୋକେ । ଗଂଜାମ ଜିଲ୍ଲା ବୁଗୁଡ଼ା ଥାନା ଅନ୍ତର୍ଗତ କରଚୁଲି – କିରିଆମ୍ବା ଜଙ୍ଗଲ ରାସ୍ତାରେ ଘଟିଛି ଏଭଳି ଘଟଣା । ମୃତକ ବ୍ୟବସାୟୀ ଜଣକ , କରଚୁଲି ଗ୍ରାମର ଶୁଶାନ୍ତ ପାତ୍ର । କିରିଆମ୍ବା ଗାଁରେ ଏକ ରାସନ ଦୋକାନ କରିଥିଲେ , ଶୁଶାନ୍ତ । ସଂଧ୍ୟାରେ ଦୋକାନ ବନ୍ଦକରି , ନିଜଘର କରଚୁଲି ଗାଁ କୁ ମୋଟରସାଇକେଲ ଯୋଗେ ଫେରୁଥିଲେ । ତେବେ ଜଙ୍ଗଲ ରାସ୍ତାରେ ତାଙ୍କ ମୋଟରସାଇକେଲ ଥିବାବେଳେ , କିଛିଦୂର ଜଙ୍ଗଲ ଭିତରେ ସେ ସଂଜ୍ଞାହୀନ ଅବସ୍ଥାରେ ପଡ଼ିଥିଲେ । ଖବରପାଇ ପରିବାର ଲୋକେ , ଘଟଣା ସ୍ଥଳରୁ ତାଙ୍କୁ ଉଧାର କରି ବୁଗୁଡ଼ା ମେଡିକାଲରେ ଭର୍ତ୍ତି କରିଥିବା ବେଳେ , ସେଠାରେ ଶୁଶାନ୍ତଙ୍କୁ ମୃତ ଘୋଷଣା କରାଯାଇଥିଲା । କିଛି ବ୍ୟକ୍ତି ତାଙ୍କୁ ହତ୍ୟା କରିବାକୁ ଧମକ ଦେଉଛନ୍ତି ବୋଲି ,ଘଟଣାର କିଛି ସମୟ ପୂର୍ବରୁ ପରିବାର ଲୋକଙ୍କୁ ଫୋନ୍ କରି ସୂଚନା ଦେଇଥିଲେ ଶୁଶାନ୍ତ । କୌଣସି କାରଣକୁ କେନ୍ଦ୍ରକରି , ଜଙ୍ଗଲ ଭିତରେ ତାଙ୍କୁ ଶ୍ୱାସରୁଦ୍ଧ କରି ହତ୍ୟା କରାଯାଇଛି ବୋଲି , ପରିବାର ଲୋକେ ଅଭିଯୋଗ କରିଛନ୍ତି । ଏନେଇ ବୁଗୁଡ଼ା ପୋଲିସ ଘଟଣାର ତଦନ୍ତ ଚଳାଇଥିବା ବେଳେ , କିଛି ସନ୍ଦିଗ୍ଧ ଙ୍କୁ ଥାନାରେ ଅଟକ ରଖିଥିବା ସୂଚନା ମିଳିଛି । ଅନ୍ୟପକ୍ଷରେ ଏହି ଘଟଣାରେ ଏକାଧିକ ଅଭିଯୁକ୍ତ ସଂପୃକ୍ତ ଥିବା ନେଇ , ପରିବାର ଲୋକେ ଅଭିଯୋଗ ଆଣିଛନ୍ତି ।