ଗଜପତି ( ବିପ୍ଲବୀ ପରିକ୍ରମା ):- ଜାତୀୟ ସ୍ତରରେ ଟାଇକୋଣ୍ଡୋ ପ୍ରତିଯୋଗିତାରେ ଗଜପତି ଜିଲ୍ଲାର କେନ୍ଦ୍ରୀୟ ବିଦ୍ୟାଳୟର ଛାତ୍ରୀଙ୍କ ସଫଳତା ପରେ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଗଜପତି ଜିଲ୍ଲା ନୂତନ ବସଷ୍ଟାଣ୍ଡ ଠାରୁ ଟାଇକୋଣ୍ଡୋ ଏକାଡେମୀର ଏକ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ଚଳିତ ବର୍ଷ ଉତ୍ତର ପ୍ରଦେଶର ଆଗ୍ରା କେନ୍ଦ୍ରୀୟ ବିଦ୍ୟାଳୟ ନମ୍ବର ଏକ ଠାରେ ଅଗଷ୍ଟ ୨୭ ତାରିଖ ଠାରୁ ୩୧ ତାରିଖ ପର୍ଯ୍ୟନ୍ତ ଜାତୀୟ ସ୍ତରୀୟ ବାଳିକା ଟାଇକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା।
ଏହି ପ୍ରତିଯୋଗିତାରେ ସର୍ବଭାରତୀ଼ କେନ୍ଦ୍ରୀୟ ବିଦ୍ୟାଳୟ ଆୟୋଜନ କରାଯାଇଥିବା ବେଳେ ଓଡ଼ିଶାର ୧୭ଟି ଖେଳାଳି ସହିତ ୨୬ଟି ରାଜ୍ୟରୁ ପ୍ରାୟ ୬୦୦ ଖେଳାଳି ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତାରେ ଗଜପତି ଜିଲ୍ଲାର ଟାଇକୋଣ୍ଡୋ ଅନୁଷ୍ଠାନ ତଥା କେନ୍ଦ୍ରୀୟ ବିଦ୍ୟାଳୟର ଦୁଇ ଜଣ ଛାତ୍ରୀ ସୁବନା ସାହୁ, ପ୍ରିୟାଣୀରାଣୀ ଦାସ ଅଂଶ ଗ୍ରହଣ କରିଥିଲେ। ସୁବନା ସାହୁ କାଂସ୍ୟ ପଦକ ହାସଲ କରି ବିଜୟୀ ହୋଇଥିଲେ । ସୁବନାଙ୍କ ବିଜୟୀ ଖୁସିରେ ଏକ ଶୋଭାଯାତ୍ରା ବାହାରି ନଗର ପରିକ୍ରମା କରିଥିଲେ।