ଗଜପତି ( ବିପ୍ଲବୀ ପରିକ୍ରମା ):- ଗଜପତି ଆରକ୍ଷୀ ଅଧିକ୍ଷକ ସ୍ଵାତି. ଏସ୍ କୁମାର ଙ୍କ ନିର୍ଦ୍ଦେଶକ୍ରମେ ଅଡବା ଥାନା ଅଧିକାରୀ ଶୁଭ୍ରନ୍ତ କୁମାର ପଣ୍ଡା ଓ ପୋଲିସ ଟିମ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବିପୁଳ ଗଞ୍ଜେଇ ଏବଂ ତିନୋଟି ଦେଶୀ ବନ୍ଧୁକ ଜବତ କରାଯାଇଛି l ଶୁକ୍ରବାର ସକାଳ ସମୟରେ ଗୁଡ୍ରିପଙ୍କା ଚଢ଼ାଉ କରାଯାଇ ଚାଲାଣ ପାଇଁ ବ୍ୟାଗ ରେ ଭର୍ତ୍ତି କରାଯାଉଥିବା ୮ କୁଇଣ୍ଟାଲ ୧୯ କେଜି ଗଞ୍ଜେଇ ଜବତ କରାଯାଇଛି l ୨୯ ଟି ବ୍ୟାଗ ରେ ଉକ୍ତ ଗଞ୍ଜେଇ କୁ ବାହାର କୁ ଚାଲାଣ ପାଇଁ ପ୍ରସ୍ତୁତ କରାଯାଉଥିବା ପୋଲିସ ସୂଚନା ଦେଇଛି,ଜବତ ଗଞ୍ଜେଇ ର ମୂଲ୍ୟ ୪୦ ଲକ୍ଷ ରୁ ଉର୍ଦ୍ଧ ହେବ l ପୋଲିସ କୁ ଦେଖି ମାଫିଆ ମାନେ ଫେରାର୍ ହୋଇଯାଇଥିବା ଜଣାପଡିଛି l
ସେହିଭଳି ବିଶ୍ୱସ୍ତ ସୁତ୍ରରୁ ଖବର ପାଇ ପୋଲିସ ର ଏକ ଟିମ୍ ଥାନା ଅଞ୍ଚଳ ର ରାଜଖମା ଗ୍ରାମରେ ଚଢ଼ାଉ କରି ତିନୋଟି ଲାଇସେନ୍ସ ନଥିବା ଦେଶୀ ବନ୍ଧୁକ ଜବତ କରିଛି ଉକ୍ତ ବନ୍ଧୁକ ଗୁଡିକ ଭିନ୍ନ ଭିନ୍ନ ଘରୁ ଜବତ କରାଯାଇଥିବା ବେଳେ ସମ୍ପୃକ୍ତ ବ୍ୟକ୍ତି ମାନେ ଫେରାର୍ ଅଛନ୍ତି l ତେଵେ ବନ୍ଧୁକ ଗୁଡିକ ଶିକାର ଉଦ୍ଦେଶ୍ୟ ରେ ରଖାଯାଇଥିବା ପୋଲିସ ସୂଚନା ଦେଇଛି l ଅତିଶୀଘ୍ର ଘଟଣା ରେ ସମ୍ପୃକ୍ତ ବ୍ୟକ୍ତି ମାନଙ୍କୁ ଗିରଫ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି l