ବିପ୍ଲବୀ ପରିକ୍ରମା ବ୍ୟୁରୋ :- ସାଧାରଣ ନିର୍ବାଚନ ପୂର୍ବରୁ ରାଜ୍ୟ ବିଜେପି ନିଜର ମୁଖପାତ୍ର ତାଲିକା ଘୋଷଣା କରିଛି । ୧୯ ଜଣ ମୁଖପାତ୍ର, ୧୨ ଜଣ ପ୍ୟାନେଲିଷ୍ଟ ଏବଂ ରାଜ୍ୟ ଗଣମାଧ୍ୟମ ସଂଯୋଜକ ନାମ ଘୋଷଣା କରିଛି । ସୁଜିତ୍ କୁମାର ଦାସଙ୍କୁ ଦଳର ଗଣମାଧ୍ୟମ ସେଲ୍ ସହସଂଯୋଜକରୁ ସଂଯୋଜକକୁ ପଦୋନ୍ନତି ହୋଇଛି । ଅନ୍ୟପଟେ ରାଜ୍ୟ ବିଜେପି ଗଣମାଧ୍ୟମ ସେଲ୍ ମୁଖ୍ୟ ଦିଲ୍ଲୀପ ମଲ୍ଳିକଙ୍କୁ ଏଥର ୧୯ ଜଣିଆ ମୁଖପାତ୍ର ଟିମରେ ସ୍ଥାନିତ କରାଯାଇଛି ।
ତେବେ ୧୯ ଜଣ ମୁଖପାତ୍ରଙ୍କ ମଧ୍ୟରେ ସଜ୍ଜନ ଶର୍ମା, ପୀତାମ୍ବର ଆଚାର୍ଯ୍ୟ, ବଳଭଦ୍ର ମାଝୀ, ସୁଦୀପ୍ତ ରାୟ, ନବଚରଣ ମାଝୀ (ବିଧାୟକ), ମୁକେଶ ମହାଲିଙ୍ଗ (ବିଧାୟକ), ରମାରଞ୍ଜନ ବଳିୟାରସିଂହ, ସତ୍ୟବ୍ରତ ପଣ୍ଡା ଆଦି ରହିଥିବା ଜଣାପଡିଛି l ସେହିପରି ବିଭିନ୍ନ ଟେଲିଭିଜନ ଆଲୋଚନା ପାଇଁ ୧୨ ଜଣ ପ୍ୟାନେଲିଷ୍ଟ ମାନଙ୍କୁ ଚୟନ କରାଯାଇଛି l ସେମାନଙ୍କ ମଧ୍ୟରେ ଲକ୍ଷ୍ମଣ ପଣ୍ଡା, କବି ବିଷ୍ଣୁ ଶତପଥୀ, ପ୍ରକାଶ ରଥ, ସ୍ୱାଧୀନ ଶତପଥୀ ଆଦି ରହିଥିବା ଜଣା ପଡିଛି l ଗଣମାଧ୍ୟମ ସଂଯୋଜକ ଭାବେ ସୁଜିତ୍ କୁମାର ଦାସଙ୍କୁ ଦାୟିତ୍ୱ ମିଳିଛି ।
ଅନ୍ୟପଟେ ବିଭିନ୍ନ ପ୍ରସଙ୍ଗରେ ଦଳ ପାଇଁ ଗଣମାଧ୍ୟମ ଆଗରେ ପକ୍ଷ ରଖୁଥିବା ବରିଷ୍ଠ ନେତା ଗୋଲକ ମହାପାତ୍ର ଓ ଲେଖାଶ୍ରୀ ସାମନ୍ତସିଂହାରଙ୍କୁ ପ୍ୟାନେଲିଷ୍ଟ ଟିମ୍ ରେ ସ୍ଥାନ ମିଳିନଥିବା ଜଣାପଡ଼ିଛି ।