ଶିମିଳିପାଳ ( ବିପ୍ଲବୀ ପରିକ୍ରମା ଡିଜିଟାଲ ):- ପୁଣି ଶିମିଳିପାଳରେ ଶିକାରୀଙ୍କୁ ଧରିଲା AI କ୍ୟାମେରା, ଶିକାର ପାଇଁ ଶିମିଳିପାଳରେ ପ୍ରବେଶ କରିଥିବା ବେଳେ AI କ୍ୟାମେରା ମାଧ୍ୟମରେ ୩ ଶିକାରୀଙ୍କୁ ଧରିଲା ବନବିଭାଗ । ସେମାନଙ୍କ ଠାରୁ ୫ ଟି ଦେଶୀ ବନ୍ଧୁକ, ଗୋଟିଏ ଛୋଟ ବନ୍ଧୁକ, ବନ୍ଧୁକରେ ବ୍ୟବହୃତ ଗୁଣ୍ଡ, ଧନୁତୀର, ବିସ୍ଫୋରକ ଓ ଫାସ ଜବତ କରିଛି ବନବିଭାଗ ।
୩ ଅଭିଯୁକ୍ତ ହେଉଛନ୍ତି ବାଙ୍ଗିରିପୋଷି ଥାନା ଅଞ୍ଚଳର କରନ୍ ମାରାଣ୍ଡି , କାରୁ ହାଁସଦା ଓ ବୁଧୁରାୟ ସୋରେନ୍। କରନ ମାରାଣ୍ଡିକୁ ଶିମିଳିପାଳ ମଧ୍ୟରୁ ଗିରଫ କରିଥିବା ବେଳେ ଅନ୍ୟ ଦୁଇ ଶିକାରୀଙ୍କୁ ସେମାନଙ୍କ ଗାଆଁରୁ ଗିରଫ କରିଛି ବନବିଭାଗ ।