ଗଜପତି ( ବିପ୍ଲବୀ ପରିକ୍ରମା ):- କାଶୀନଗର ଥାନା ଅନ୍ତର୍ଗତ ଅଙ୍କରଡା ରାଜ୍ୟ ମୁଖ୍ୟ ରାସ୍ତା କଡ଼ରେ ଥିବା ଏକ ଗଛକୁ ସ୍କୁଟି ଧକ୍କା ଦେଇଥିଲା, ଯାହା ଫଳରେ ସେଥିରେ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହେଇଥିବା ଜଣାପଡିଛି। ସୂଚନା ମୁତାବକ ପାରଳାଖେମୁଣ୍ଡି ସହର ବାସିନ୍ଦା ରାମେୟ ପାସପୁରେଡ୍ଡିଙ୍କ ପତ୍ନୀ ନିର୍ମଳା ପାସୁପୁରେଡ୍ଡି ଓ ଝିଅ ଭାରତୀ ପାସୁପୁରେଡ୍ଡି ଏକ ସ୍କୁଟି ଯୋଗେ ଗୁଣୁପୁର ଗ୍ରାମର ସମ୍ପର୍କୀୟଙ୍କ ଭୋଜିକୁ ଯାଇ ନିଜ ଘରକୁ ଫେରୁଥିବା ବେଳେ ଅଙ୍କରଡ଼ା ଛକ ନିକଟରେ ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛକୁ ଧକ୍କା ଦେଇଥିଲେ। ଦୁର୍ଘଟଣା ସ୍ଥଳରେ କାଶୀନଗର ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ଗୁରୁତର ମାଆ ଓ ଝିଅକୁ କାଶୀନଗର ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।
ସେଠାରେ ଝିଅ ଭାରତୀଙ୍କୁ ଡାକ୍ତର ମୃତ୍ୟୁ ଘୋଷଣା କରିଥିବା ବେଳେ, ମାଆ ଭାରତୀ ଗୁରୁତର ହୋଇଥିବାରୁ ଅଧିକ ଚିକିତ୍ସା ପାଇଁ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ଏଠାରେବି ଅଧିକ ଗୁରୁତର ହେବାରୁ ତାଙ୍କୁ ଶ୍ରୀକାକୁଲମ ସ୍ଥାନାନ୍ତରିତ କରାଯାଇଛି। ଘଟଣା ସ୍ଥଳରେ କାଶୀନଗର ପୋଲିସ ପହଞ୍ଚି ତଦନ୍ତ କରିଥିବା ବେଳେ ମୃତ୍ୟୁ ଝିଅର ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯିବା ବୋଲି ଥାନା ଅଧିକାରୀ ଗୋବିନ୍ଦ ଗୌଡ଼ ସୂଚନା ଦେଇଛନ୍ତି।