ମୁମ୍ବାଇ ( ବିପ୍ଲବୀ ପରିକ୍ରମା ):- ମହାରାଷ୍ଟ୍ରରେ ଚାଞ୍ଚଲ୍ୟ, ଏନସିପି ଅଜିତ୍ ପାୱାର ଗୋଷ୍ଠୀ ନେତା ବାବା ସିଦ୍ଦିକିଙ୍କୁ ଗୁଳି କରି ହତ୍ୟା।କିନ୍ତୁ ବଲିଉଡ୍ର ଭାଇଜାନ୍ ସଲମାନ ଖାନ୍ଙ୍କ ପାଇଁ ବାବା ସିଦ୍ଧିକିଙ୍କୁ କରାଗଲା ହତ୍ୟା ! ଏକଥା ଶୁଣି ଆପଣଙ୍କୁ ଅଜବ ଲାଗୁ ଥାଇପାରେ । କିନ୍ତୁ ଏନେଇ ଏବେ ଖୁବ୍ ଚର୍ଚ୍ଚା ଚାଲିଛି । ବିଭିନ୍ନ ଜାତୀୟ ଗଣମାଧ୍ୟମରେ ମଧ୍ୟ ଏନେଇ ରିପୋର୍ଟ ପ୍ରକାଶ ପାଇଛି । ସଲମାନ ଖାନ୍ଙ୍କ ସବୁଠୁ ନିକଟତର ଥିଲେ ବବା ସିଦ୍ଦିକି । କେବଳ ସେତିକି ନୁହେଁ ସଲମାନଙ୍କ ପାରିବାରିକ ବନ୍ଧୁ ଭାବେ ବି ଜଣାଶୁଣା ଥିଲେ ।ଯଦି ଦେଖିବା, ତେବେ ଏବର୍ଷ ଜୁଲାଇ ମାସରେ ସଲମାନ୍ଙ୍କ ଘର ଉପରେ ଗୁଳି ମାଡ଼ ହୋଇଥିଲା। ଏହା ପୂର୍ବରୁ ସଲମାନଙ୍କୁ ହତ୍ୟା ଧମକ ଘଟଣା ବି ସାମ୍ନାକୁ ଆସିଥିଲା। ତେଣୁ ଏବେ ସନ୍ଦେହ କରାଯାଉଛି କି ସଲମାନ୍ ଖାନଙ୍କ ନିକଟତର ବାବାଙ୍କୁ ଏଥିପାଇଁ ହତ୍ୟା କରାଯାଇନି ତ ? ମୁମ୍ବାଇ ପୋଲିସ ଏବେ ଏ ଦିଗରେ ତଦନ୍ତ କରୁଛି । ସେପଟେ ବାବା ସିଦ୍ଦିକିଙ୍କ ହତ୍ୟା ପରେ ନିଜର ସୁଟିଂ କ୍ୟାନସଲ କରି ହସ୍ପିଟାଲରେ ପହଞ୍ଚିଥିଲେ ବଲିଉଡର ଭାଇଜାନ୍ ସଲମାନ ଖାନ୍ ।ଏହି ଗୁଳିକାଣ୍ଡରେ ସଂପୃକ୍ତ ଥିବା ଅଭିଯୋଗରେ ୨ ଜଣଙ୍କୁ ଗିରଫ କରିଛି ମୁମ୍ବାଇ ପୋଲିସ, ଅନ୍ୟ ଜଣେ ଫେରାର୍ ମାରିଥିବା ଜଣାପଡ଼ିଛି। ତେବେ କାହିଁକି ତାଙ୍କୁ ହତ୍ୟା କଲା, ତାହା ସ୍ପଷ୍ଟ ହୋଇପାରିନି । ଏହା ପଛରେ କାହାର ହାତ ରହିଛି ତାକୁ ନେଇ ତଦନ୍ତ ଚାଲିଛି । ମୁମ୍ବାଇର ବାନ୍ଦ୍ରା ଇଷ୍ଟରେ ତାଙ୍କ ଉପରକୁ ଗୁଳି ଚଳାଇଲେ ଅଜଣା ଦୁର୍ବୃତ୍ତ। ପେଟ ଓ ଛାତିରେ ବାଜିଲା ୨ରୁ ୩ ରାଉଣ୍ଡ ଗୁଳି । ଗୁଳିମାଡ଼ ପରେ ତାଙ୍କୁ ଲୀଳାବତି ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ସେଠାରେ ତାଙ୍କର ମୃତ୍ୟୁ ଘଟିଥିବା ଖବର ସାମ୍ନାକୁ ଆସିଛି ।