କେନ୍ଦୁଝର ( ବିପ୍ଲବୀ ପରିକ୍ରମା):-: କେନ୍ଦୁଝର ଅବକାରୀ ଅଧିକ୍ଷକ ଶ୍ରୀ ପ୍ରଦୀପ୍ତ କୁମାର ଦାସ ଓ ଚମ୍ପୁଆ ଅତିରିକ୍ତ ଅବକାରୀ ଅଧିକ୍ଷକ ଶ୍ରୀ ଦିବ୍ୟ ରଞ୍ଜନ ଦୀପଙ୍କ ନିର୍ଦ୍ଦେଶ କ୍ରମେ ତଥା ଚମ୍ପୁଆ ଅବକାରୀ ନିରୀକ୍ଷକ ଶ୍ରୀ ଏଚ ଜଗ୍ଗା ରାଓଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଆଜି ବଡବିଲ ଅବକାରୀ ବିଭାଗ ପକ୍ଷରୁ ବଡବିଲ ଓ ବଲାଣି ଥାନା ଅନ୍ତର୍ଗତ ଏକାଧିକ ସ୍ଥାନରେ ଅତର୍କିତ ଚଢ଼ାଉ କରା ଯାଇଥିଲା। ଦିନ ତମାମ ଚାଲିଥିବା ଏହି ଚଢ଼ାଉରେ ମୋଟ ୩୪୦୦ କେଜି ପୋଚ ସହ ୪୭୪ ଲିଟର ଦେଶୀ ମଦ ଜବତ ହୋଇଥିବା ବେଳେ ଏହି ଚୋରା ମଦ କାରବାରରେ ସଂପୃକ୍ତ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବଡବିଲ ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।