ଗଞ୍ଜାମ ( ବିପ୍ଲବୀ ପରିକ୍ରମା ):- ରାସ୍ତା କଡ଼ରେ ଥିବା ମାଇଲ୍ ଖୁଣ୍ଟ କୁ ପିଟିହେଲା ବାଇକ୍ । ଘଟଣା ସ୍ଥଳରେ ଜଣକର ମୃତ୍ୟୁ ହୋଇଥିବାବେଳେ, ସେଥିରେ ବସିଥିବା ଦୁଇଜଣ ଯୁବକ ଗୁରୁତର ଆହତ ହୋଇଛନ୍ତି । ଗଂଜାମ ଜିଲ୍ଲା ଜଗନ୍ନାଥପ୍ରସାଦ ନିକଟରେ ଘଟିଛି ଏଭଳି ଦୁର୍ଘଟଣା । ମୃତ ଯୁବକ ଜଣକ, ନିକଟସ୍ଥ ଡୁଙ୍ଗାପଲ୍ଲୀ ଗ୍ରାମର କେଦାର ନାୟକ । ଅନ୍ୟ ଦୁଇ ଗୁରୁତର ଆହତଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ସଂପୃକ୍ତ ୩ ଯୁବକ ଗୋଟିଏ ମୋଟରସାଇକେଲ ରେ ଜଗନ୍ନାଥପ୍ରସାଦ ଅଭିମୁଖେ ଯାଉଥିବା ବେଳେ, ରାସ୍ତା କଡରେ ଥିବା ମାଇଲ୍ ଖୁଣ୍ଟ କୁ ପିଟି ହୋଇଯିବାରୁ ଏଭଳି ଦୁର୍ଘଟଣା ଘଟିଥିଲା ।
ଘଟଣା ସ୍ଥଳରୁ ଅଗ୍ନିଶମ ବାହିନୀ ସେମାନଙ୍କୁ ଉଦ୍ଧାର କରି, ନିକଟସ୍ଥ ଜଗନ୍ନାଥପ୍ରସାଦ ମେଡିକାଲରେ ଭର୍ତ୍ତି କରିଥିଲେ । ମୃତ ଦେହକୁ ଜବତ କରି, ଘଟଣାର ତଦନ୍ତ କରୁଛି ପୋଲିସ ।