ଖଡ଼ିଆଳ ( ବିପ୍ଲବୀ ପରିକ୍ରମା ):- ଗତ ତେର ତାରିଖ ପ୍ରଥମ ପର୍ଯ୍ୟାୟ ନିର୍ବାଚନ ଶେଷ ହୋଇଛି ସତ। ହେଲେ ଖଡ଼ିଆଳ ରେ ଅଶାନ୍ତ ସୃଷ୍ଟି କରୁଛି ବିଜେଡି, ଏଭଳି ଅଭିଯୋଗ କରିଛି ବିଜେପି । ବିଜେଡି ବିଧାୟକ ପ୍ରାର୍ଥୀ ଙ୍କ ସହ ତାଙ୍କ ସମର୍ଥକ ବିଜେପି କର୍ମକର୍ତ୍ତା ଙ୍କୁ ଧମକ ଚମକ୍ ଦେବାସହ ଅଞ୍ଚଳ ରେ ଭୟ ର ବାତାବରଣ ସୃଷ୍ଟି କରୁଥିବା ଜିଲ୍ଲା ବିଜେପି ସଭାପତି ସୁବ୍ରତ ଠାକୁର୍ ଅଭିଯୋଗ କରିଛନ୍ତି l ନୂଆପଡା ଜିଲ୍ଲା ଖଡ଼ିଆଳ ନିର୍ବାଚନ ମଣ୍ଡଳୀ ରେ ବିଜେପି କର୍ମୀ, ସମର୍ଥକ ଙ୍କ ଉପରେ ବିଜେଡି ର ଦାଦାଗିରି କରୁଥିବା ଅଭିଯୋଗ ପୂର୍ବ ରୁ ହୋଇଥିଲେହେଁ ପୋଲିସ ପକ୍ଷରୁ କୌଣସି ଆଖି ଦୃଷୀୟା ପଦକ୍ଷେପ ନେଉନଥିବା ରୁ ଏହା କମିବା ବଦଳ ରେ ଏହା ବଢିବା ରେ ଲାଗିଛି । ନିର୍ବାଚନ ପୂର୍ବରୁ ସିନାପାଲି ର ଜଣେ ସରକାରୀ କର୍ମଚାରୀ ବିଜେପି କର୍ମୀ ଙ୍କୁ ଧମକ ଦେଉଥିବା ଅଡିଓ ଭାଇରାଲ୍ ହୋଇଥିବା ବେଳେ ନିର୍ବାଚନ ଦିନ ଖୁଦ୍ ବିଧାୟକ ହରେସ ଅଗ୍ରୱାଲ ନାମକ ବ୍ୟକ୍ତିଙ୍କୁ ବିଜେପି କୁ ଚାନ୍ଦା ଦେଇଛୁ ମୋତେ ମଧ୍ୟ ଦେବୁ ବୋଲି କହି ଧମକ ଦେଇଥିବା ଓ ରାତିରେ ତାଙ୍କ ଘରକୁ ତାଙ୍କ ସମର୍ଥକ ମାନଙ୍କୁ ପଠାଇଥିବା ଅଭିଯୋଗ କରିଛନ୍ତି ହରେଶ୍ ଅଗ୍ରୱାଲ ।
ଏହାକୁ ନେଇ ଜିଲ୍ଲା ବିଜେପି ସଭାପତି ଓ ବିଜେପି ବିଧାୟକ ପ୍ରାର୍ଥୀ ହିତେଶ ବଗର୍ତ୍ତି ଙ୍କ ନେତୃତ୍ଵ ରେ ଏକ ପ୍ରତିନିଧି ଦଳ ଖଡ଼ିଆଳ ଥାନା ରେ ଲିଖିତ ଅଭିଯୋଗ କରି ଏହାର ତଦନ୍ତ କରି ଦୋଷୀ ମାନଙ୍କ ବିରୁଦ୍ଧ ରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ନଚେତ୍ ଆସନ୍ତା ତିନି ଦିନ ମଧ୍ୟରେ ଖଡ଼ିଆଳ ଥାନା ଘେରାଉ କରାଯିବ ବୋଲି ବିଜେପି ଚେତାବନୀ ଦେଇଚ୍ଚି। ଅପରପକ୍ଷରେ ଏହି ମାମଲା ର ତଦନ୍ତ କରି ଆଇନ ଅନୁଯାୟୀ ନିଶ୍ଚିନ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଖଡ଼ିଆଳ ଏସଡିପିଓ ଅରୂପ ଅଭିଷେକ ବେହେରା କହିଛନ୍ତି ।