ବ୍ରହ୍ମପୁର ( ବିପ୍ଲବୀ ପରିକ୍ରମା ):- ନିର୍ବାଚନ ଯେତେ ପାଖେଇ ଆସୁଛି ଦିନକୁ ଦିନ ରାଜନୀତି ସେତେ ଗରମ ହେବାରେ ଲାଗିଛି । ଗୋଟିଏ ପଟେ ବିଜେପି ପ୍ରତିଷ୍ଠା ଦିବସରେ ଲୋକସଭା ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଓ ବିଧାନସଭା ପ୍ରାର୍ଥୀ କେ. ଅନିଲ କୁମାର ଙ୍କ ନେତୃତ୍ୱରେ ଖଲ୍ଲିକୋଟ କଲେଜ ଛକ ଠାରୁ ଏକ ବିଶାଳ ପଦ ଯାତ୍ରା ବାହାରି ଗାନ୍ଧିନଗର ଠାରେ ଦଳୀୟ କାର୍ଯ୍ୟାଳୟର ଉଦଘାଟନ ହୋଇଥିଲା।
ସେହିପରି ଗତକାଲି ବିଜେଡି ଲୋକସଭା ପ୍ରାଥୀ ଭ୍ରୁଗୁବକ୍ସି ପାତ୍ର ଓ ବ୍ରହ୍ମପୁରର ବିଧାୟକ ପ୍ରାଥୀ ଡ଼କ୍ଟର ଚ୍ୟାଉ ପଟନାୟକଙ୍କ ନେତୃତ୍ୱରେ ଏକ ବିଶାଳ ଶୋଭାଯାତ୍ରା ଇଞ୍ଜିନେରିଙ୍ଗ ସ୍କୁଲ ଛକ ଠାରୁ ବାହାରି ଖଲ୍ଲିକୋଟ କଲେଜ, ଗେଟ ବଜ଼ାର ଛକ, ବ୍ରହ୍ମପୁର ବୁଢ଼ୀ ଠାକୁରାଣୀ ମନ୍ଦିର ଠାରେ ଦୀପ ଦାନ କରି ବଙ୍ଗାଳୀ ସାହି ଠାରେ ପହଞ୍ଚି ଦଳୀୟ କାର୍ଯ୍ୟାଳୟର ଉଦଘାଟନ କରିଥିଲେ।ଏହି ବିଶାଳ ସଭାଯାତ୍ରା ରେ ବ୍ରହ୍ମପୁର ମେୟର ସଂଘମିତ୍ରା ଦଳାଇ, ଡେପୁଟି ମେୟର ଇ. ବେବେକ ରେଡି,ଗୋପାଳପୁର ବିଧାୟକ ପ୍ରାଥୀ ବିକ୍ରମ ପଣ୍ଡା, ରାଜ୍ୟ ବିଜେଡିର ଉପସଭାପତି ଓ ନିର୍ବାଚନ ଇସ୍ତାହାର କମିଟିର ଅଧକ୍ଷ ଚନ୍ଦ୍ରଶେଖର ସାହୁ, ବିଜେଡିର ବହୁ କର୍ପୋରେଟରଙ୍କ ସମେତ ବହୁ ନେତା ଓ କର୍ମୀ ଉପସ୍ଥିତ ଥିଲେ।