କଟକ ( ବିପ୍ଲବୀ ପରିକ୍ରମା ):- କଟକରେ ଚାଲିଲା ମୋଦି ମ୍ୟାଜିକ୍ । ଲୋକସଭା ଲଢେଇରେ ବିଜେପିର ବଡ ବିଜୟ । ବିଜେଡିକୁ ହରାଇ ବାଜିମାତ୍ କଲା ଭାରତୀୟ ଜନତା ପାର୍ଟି । ବିଜେପି ପ୍ରାର୍ଥୀ ଭର୍ତ୍ତୃହରି ମହତାବଙ୍କ ଆଗରେ ଉଧେଇ ପାରିଲେନି ବିଜେଡି ପ୍ରାର୍ଥୀ ସଂତୃପ୍ତ ମିଶ୍ର । ଲୋକସଭା ଆସନରେ ଭର୍ତ୍ତୃହରି ୫୭ ହଜାରରୁ ଅଧିକ ଭୋଟରେ ବିଜୟୀ ହୋଇଥିବା ବେଳେ ରାଜନୀତିରେ ନବାଗତ ସଂତୃପ୍ତ ମିଶ୍ର ଶେଷରେ ପରାଜୟ ବରଣ କରିଛନ୍ତି ।କଟକ ଆସନରେ ଲଗାତାର ବିଜେଡି ବିଜୟୀ ହୋଇ ଆସୁଥିବା ବେଳେ ଏଥର ପ୍ରଥର ଥର ପାଇଁ ବିଜୟୀ ହୋଇଛି ବିଜେପି । ଯେଉଁ ଭର୍ତ୍ତୃହରି ମହତାବ ବିଜେଡିକୁ ବିଜୟ ର ସ୍ୱାଦ ଚଖାଉଥିଲେ ଆଜି ସେହି ପ୍ରାର୍ଥୀ ହିଁ ବିଜେଡି ପରାଜୟର ବଡ କାରକ ସାଜିଛନ୍ତି । ବିଜେଡି ଛାଡି ଭର୍ତ୍ତୃହରି ବିଜେପି ଆସିବା ପରେ ତାଙ୍କୁ ଦଳ ଟିକେଟ୍ ଦେଇଥିଲା ଆଉ ୨୦୨୪ ମୈଦାନରେ ବିଜେପିକୁ ବହୁମତ ମିଳିଛି ।