ନୂଆପଡା ( ବିପ୍ଲବୀ ପରିକ୍ରମା ):- ନିର୍ବାଚନ ତାତି ଯେତିକି ବଢ଼ି ବଢ଼ି ଚାଲିଛି କର୍ମୀ ଓ ସମର୍ଥକ ମାନଙ୍କ ମଧ୍ୟରେ ଉତ୍ସାହ ସେତିକି ବଢ଼ିଛି । ଆଜି ନୂଆପଡ଼ା ଜିଲ୍ଲା ଖଡ଼ିଆଳ ନିର୍ବାଚନ ମଣ୍ଡଳୀର ୩୦୨ ବୁଥ ର ହଜାର ହଜାର ଲୋକଙ୍କ ସମାଗମ ବିଜେପି ର ଲୋକ ପ୍ରୀୟତା କୁ ସୁଚାଉଥିବା ମନେ ହେଉଥିଲା । ଆଜି ଖଡ଼ିଆଳ ଠାରେ ଆୟୋଜିତ ବିଜେପି ର ବୁଥ ବିଜୟ ଅଭିଯାନ ଓ ମିଶ୍ରଣ ପର୍ବ କାର୍ଯ୍ୟକ୍ରମ ରେ ସିନାପାଲି ବୋଡ଼େନ ଓ ଖଡ଼ିଆଳ ଅଞ୍ଚଳ ର ହଜାର ହଜାର ଲୋକ ସାମିଲ ହୋଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ସବକା କା ସାଥ ସବକା ବିକାଶ ନାରା ରେ ଅନୁପ୍ରାଣିତ ହୋଇ ଖଡ଼ିଆଳ ବିଧାୟକ ପ୍ରାର୍ଥୀ ହିତେଶ କୁମାର ବଗର୍ତ୍ତି ଓ କଳାହାଣ୍ଡି ସାଂସଦ ପ୍ରାର୍ଥୀ ମାଳବିକା ସିଂ ଦେଓ ଙ୍କୁ ସମର୍ଥନ ଜଣାଇ ପ୍ରଥମେ ଖଡ଼ିଆଳ ମାଁ ସମଲେଶ୍ଵରୀ, ରକ୍ତାମ୍ବରି ସହ ବଡ଼ ଦଧିବାମନ ମନ୍ଦିର ରେ ପୂଜା ଅର୍ଚ୍ଚନା କରି ଖଡ଼ିଆଳ ସହର ରେ ଏକ ବିରାଟ ଶୋଭାଯାତ୍ରା କରି ନଗର ପରିକ୍ରମା କରି ଶକ୍ତି ପ୍ରଦର୍ଶନ କରିଥିଲେ । ପରେ ଖଡ଼ିଆଳ ଅଗ୍ରସେନ ଭବନ ଠାରେ ଆୟୋଜିତ ବୁଥ ବିଜୟ ଓ ମିଶ୍ରଣ ପର୍ବ ରେ ଉପସ୍ଥିତ ଜନ ସାଧାରଣ ଙ୍କୁ ଉଭୟ ମାଳବିକା ଓ ହିତେଶ ବଗର୍ତ୍ତି ଉଦବୋଧନ ଦେଇ ପଦ୍ମ ଚିହ୍ନ ରେ ଭୋଟ ଦେବା ପାଇଁ ନିବେଦନ କରିଥିଲେ ।
ଏହି ଅବସର ରେ ଖଡ଼ିଆଳ ଅଞ୍ଚଳ ର ଆଦିବାସୀ ନେତା ମାନଙ୍କ ସହ ନୂଆପଡ଼ା କୁମ୍ଭକାର ସମାଜ ର ଜିଲ୍ଲା ସଭାପତି ଙ୍କ ସହ ଶତାଧିକ ମହିଳା ଓ ପୁରୁଷ ବିଜେପି ରେ ଯୋଗଦେଇ ବିଜେପି ନିଶ୍ଚୟ ବିଜୟୀ ହେବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ।