ଗଜପତି ( ବିପ୍ଲବୀ ପରିକ୍ରମା ):- ଘlଟିର ୨୦୦ ଫୁଟ ତଳକୁ ଖସିଲା ବିଦ୍ୟୁତ ବିଭାଗ ବୋଲେରୋ l ଫଳରେ ଏଥିରେ ଥିବା ୭ ଜଣ ବିଦ୍ୟୁତ କର୍ମଚାରୀ ଗୁରୁତର ଆହତ ହୋଇଛନ୍ତି l ଘଟଣା ଘଟିଛି ଗଜପତି ଜିଲ୍ଲା ଅଡବା ଥାନା କଟlମl ତୁଆଗୁଡା ଘାଟିରେ l ସମସ୍ତ ଆହତ କର୍ମଚାରୀଙ୍କୁ ଉଦ୍ଧାର କରି ଚିକିତ୍ସା ପାଇଁ ମୋହନା ମେଡିକାଲ ରେ ଭର୍ତ୍ତି କରାଯାଇଛି l
ଗତ ୩ ଦିନ ହେଲା ତୁଆଗୁଡା ଗାଁରେ ବିଦ୍ୟୁତ ସରବରlହ ବିଛିନ୍ନ ଥିଲା l ଏହାକୁ ସଜାଡ଼ିବା ପାଇଁ ଅଡବା ବିଦ୍ୟୁତ ସବଷ୍ଟେସନ ର ୭ ଜଣ କର୍ମଚାରୀ ବୋଲେରୋ ରେ ଯାଇଥିଲେ l ବିଦ୍ୟୁତ ସଜାଡ଼ିବା ପରେ ଅଡବା ଫେରୁଥିଲେ l ରାତି ପ୍ରାୟ ସାଢେ ୯ ଟାରେ ତୁଆଗୁଡା ଘାଟିରେ ଭାରସାମ୍ୟ ହରାଇ ଘlଟିର ପ୍ରାୟ ୨୦୦ ଫୁଟ ତଳକୁ ଖସି ପଡିଥିଲା ବୋଲେରୋ l ଖବର ପାଇ ଗ୍ରାମବାସୀ ଓ ବିଦ୍ୟୁତ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ଗୁରୁତର ଆହତ ଙ୍କୁ ଉଦ୍ଧାର କରିଥିଲେ l