ବୌଦ୍ଧ (ବିପ୍ଳଵୀ ପରିକ୍ରମା) :- ବୌଦ୍ଧ ଜିଲ୍ଲା ବଘିଆ ପଡ଼ା ଫାଣ୍ଡି ଅନ୍ତର୍ଗତ ଡିଡିଙ୍ଗାପଦର୍ ଗ୍ରାମ୍ୟ ଜଙ୍ଗଲରୁ ଗତ ୩୦ ନଭେମ୍ବର ରେ ଅଜଣା ଯୁବକ ର ଶବ ଉଦ୍ଧାର ଘଟଣା ର ପର୍ଦାଫାସ୍ କରିଛି ବୌଦ୍ଧ ପୋଲିସ । ମୃତକ ମନମୁଣ୍ଡା ଥାନା ତିଲପଙ୍ଗା ଗ୍ରାମର ମଧୁ କହଁର ବୋଲି ସୂଚନା ଦେଇଛି ପୋଲିସ। ମଧୁ ଙ୍କୁ ହତ୍ୟା କରିଥିବା ସମସ୍ତ 6 ଜଣ ଅପରାଧୀଙ୍କୁ ଗିରଫ କଲା ପୋଲିସ। ହତ୍ୟା ରେ ବ୍ୟବହୃତ ଛୁରୀ, ମାରୁତି କାର ସହିତ ବାଇକ୍ ଓ ମୋବାଇଲ ଫୋନ ଜବତ କରାଯାଇଛି ବୋଲି ଏକ ସାମ୍ବାଦିକ ସମ୍ମିଳନୀ ରେ ଏସପି ରାଜ ପ୍ରସାଦ ସୂଚନା ଦେଇଛନ୍ତି। ପୋଲିସ ସୂଚନା ଅନୁଯାୟୀ ତିଲପଙ୍ଗା ଗ୍ରାମର ମଧୁ କହଁର ପେଶାରେ ଜଣେ ଚାଷୀ ହୋଇଥିବା ବେଳେ କଳା ଯାଦୁ ମଧ୍ୟ କରନ୍ତି । କିଛି ଦିନ ପୂର୍ବେ ମଧୁ ଙ୍କ ଗ୍ରାମରେ ଜଣେ ଲୋକଙ୍କ ମୃତ୍ୟୁ ହୋଇଥିବା ବେଳେ ତାଙ୍କର ଦୁଇ ପୁଅ ମଧୁ କହଁର କଳା ଯାଦୁ କରି ତାଙ୍କ ବାପାଙ୍କୁ ମାରିଦେଇଥିବା ନେଇ ସନ୍ଦେହ କରିଥିଲେ । ତେବେ ଏହାର ପ୍ରତିଶୋଧ ନେବା ପାଇଁ ଦୁଇ ଭାଇ ଅନ୍ୟ ୪ ଜଣ ଅଭିଯୁକ୍ତ ଙ୍କୁ ନେଇ ଗୋଟିଏ ସ୍ଵିଫ୍ଟ ଡିଯାର ଗାଡ଼ିରେ ମଧୁ କହଁର ଙ୍କୁ ଅପହରଣ କରିବା ସହିତ ଜଙ୍ଗଲ ମଧ୍ୟକୁ ନେଇ ଯାଇଥିଲେ ଏବଂ ସେଠାରେ ତାଙ୍କୁ ଏକ ଛୁରୀ ରେ ବେକ କୁ କାଟି ହତ୍ୟା କରିଥିଲେ । ପରେ ଶବ ଫିଙ୍ଗିଦେଇ ଫେରାର ମାରିଥିଲେ ଦୁବୃତ୍ତ ମାନେ । ତେବେ ଆଜି ଏହି ହତ୍ୟା ଘଟଣା ର ପ୍ରକୃତ ସତ୍ୟ ପୋଲିସ ସାମ୍ନାକୁ ଆଣିଥିବା ବେଳେ ହତ୍ୟା ରେ ସାମିଲ ଥିବା ସମସ୍ତ ଅଭିଯୁକ୍ତ ଙ୍କୁ ଗିରଫ କରିଛି ଏବଂ ହତ୍ୟା ରେ ବ୍ୟବହୃତ ଛୁରୀ, ମାରୁତି କାର, ବାଇକ୍ ଓ ମୋବାଇଲ ଜବତ କରିଛି । ତେବେ ଅଭିଯୁକ୍ତ ଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ସୂଚନା ଦେଇଛି ପୋଲିସ l