ଭୁବନେଶ୍ୱର ( ବିପ୍ଲବୀ ପରିକ୍ରମା ):- ବିଜେଡି ଓ ବିଜେପି ପରେ ଆଜି କଂଗ୍ରେସ ମଧ୍ଯ ଲୋକସଭା ଓ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି । ଦଳ ପ୍ରଥମ ପର୍ଯ୍ୟାୟରେ ଲୋକସଭା ପାଇଁ 8 ପ୍ରାର୍ଥୀ ଓ ବିଧାନସଭା ପାଇଁ 49 ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି । ପିସିସି ସଭାପତି ନୂଆପଡା ବିଧାନସଭା ଆସନରୁ ନିର୍ବାଚନ ଲଢିବେ । ରାଜ୍ୟରେ ଦଳର ଏକମାତ୍ର ସାଂସଦ ସପ୍ତଗିରି ଉଲ୍ଲାକା ପୁଣି ଥରେ କୋରାପୁଟ ସଂସଦୀୟ ଆସନରୁ ଲଢିବେ । ସେହିପରି ନିକଟରେ ଚର୍ଚ୍ଚାରେ ଥିବା ଅଭିନେତା ମନୋଜ ମିଶ୍ରଙ୍କୁ ମଧ୍ୟ ଦଳ ବଲାଙ୍ଗୀରରୁ ସାଂସଦ ପ୍ରାର୍ଥୀ କରିଛି । ବଳଭଦ୍ର ମାଝୀ ଲାଞ୍ଜିଗଡ, ପ୍ରବୋଧ ତିର୍କୀ ତଳସରା, ସମରେନ୍ଦ୍ର ମିଶ୍ର ବଲାଙ୍ଗୀର, ଭକ୍ତ ଚରଣ ଦାସ ନର୍ଲା, ସନ୍ତୋଷ ସିଂ ସାଲୁଜା କଣ୍ଟାବାଞ୍ଜୀରୁ ନିର୍ବାଚନ ଲଢିବାକୁ ଯାଉଛନ୍ତି ।