ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ):- ବନ୍ୟ ପ୍ରାଣୀ ସୁରକ୍ଷା ତଥା ଉଦ୍ଧାର ପାଇଁ ନିୟୋଜିତ ହେବ ବନ୍ୟପ୍ରାଣୀ ଉଦ୍ଧାର ଗାଡି । ଆଜି ବନବିଭାଗକୁ ଆଇସିଆଇସିଆଇ ଫାଉଣ୍ଡେସେନ୍ ତରଫରୁ ଏକ ବନ୍ୟପ୍ରାଣୀ ଉଦ୍ଧାର ତଥା ସୁରକ୍ଷା ପାଇଁ ଗାଡିକୁ ପାରଳାଖେମୁଣ୍ଡି ବନଖଣ୍ଡ ଅଧିକାରୀ ଏସ୍.ଆନନ୍ଦଙ୍କୁ ପ୍ରଦାନ କରାଯାଇଛି । ଆଇସିଆଇସିଆଇ ଫାଉଣ୍ଡେସନର ଆଞ୍ଚଳିକ ମୁଖ୍ୟ ରାକେଶ କୁମାର ନାୟକ ବନଖଣ୍ଡ ଅଧିକାରୀଙ୍କୁ ଗାଡିର ଚାବି ପ୍ରଦାନ କରିଛନ୍ତି । ଏହି ଗାଡି ବନ୍ୟପ୍ରାଣୀ ଉଦ୍ଧାର ହେବା ପରେ ସୁରକ୍ଷିତ ସ୍ଥାନକୁ ନେବା ଆଣିବାରେ ବିଶେଷ ସହାୟକ ହେବ ବୋଲି କୁହାଯାଇଛି । ଏନେଇ ପାରଳାଖେମୁଣ୍ଡି ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ଏକ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଆଇସିଆଇସିଆଇ ଫାଉଣ୍ଡେସନ୍ ର ପ୍ରକଳ୍ପ ପରିଚାଳକ ସୁରେନ୍ଦ୍ର ପୁରେହିତ, ସ୍ଥାନୀୟ ଆଇସିଆଇସିଆଇ ବ୍ୟାଙ୍କ ଶାଖାର ପରିଚାଳକ ଲକ୍ଷ୍ମୀନାରାୟଣ ନାୟକ ପ୍ରମୁଖଙ୍କ ସହ ବହୁ ବନ ବିଭାଗର ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ ।