ମଙ୍ଗଳବାର ( ବିପ୍ଲବୀ ପରିକ୍ରମା ଡିଜିଟାଲ ):- ଓଡ଼ିଶାରେ ମଙ୍ଗଳବାର ଠାରୁ ବିଧିବଦ୍ଧ ଭାବେ ଗଡିଲା ଡବଲ ଡେକର ବସ୍ । ସହରୀ ପରିବହନ ବ୍ୟବସ୍ଥାରେ ଏହି ବସ ସେବା ବଡ ସହାୟକ ହେବ । ସ୍ୱତନ୍ତ୍ର ଭାବେ ଏହି ସେବା ପ୍ରବାସୀ ଭାରତୀୟଙ୍କ ପାଇଁ ଆରମ୍ଭ ହୋଇଥିବା ବେଳେ ୫ଟି ଡବଲ ଡେକର ବସ୍ ସହ ୧୦ ଟି ହପ ଅନ ହପ ଅଫ (ହୋହୋ )ବସର ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏହା ସହ ଶ୍ରୀମନ୍ଦିର ପ୍ରଶାସନର ଇ-ବସ ମଧ୍ୟ ମୁଖ୍ୟମନ୍ତ୍ରୀଙ୍କ ଦ୍ବାରା ଲୋକାର୍ପିତ ହୋଇଛି ।
ଅନ୍ୟପଟେ ଆଜି ପ୍ରବାସୀ ଭାରତୀୟ ଦିବସ ଥିବାବେଳେ ଗତକାଲି ଏହି ସବୁ ବସଗୁଡ଼ିକର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ‘କ୍ରୁଟ’ ଏହି ସବୁ ପରିଚାଳନା କରିବ । ପତାକା ଦେଖାଇ ଏହାର ଉଦଘାଟନ ମୁଖ୍ୟମନ୍ତ୍ରୀ କରିଥିବା ବେଳେ ମୁଖ୍ୟମନ୍ତ୍ରୀଙ୍କ ଓ ଅନ୍ୟ ମନ୍ତ୍ରୀମାନେ ଡବଲ ଡେକର ବସରେ ବସି ଜନତା ମୈଦାନ ଗସ୍ତ କରିଥିଲେ । ସେଠାରେ ପ୍ରବାସୀ ଭାରତୀୟ ଦିବସର ଶେଷ ପ୍ରସ୍ତୁତିର ସମୀକ୍ଷା କରିଥିଲେ । ଏନେଇ ବିଭାଗୀୟ ମନ୍ତ୍ରୀ କହିଛନ୍ତି ୫ଟି ଡବଲ-ଡେ଼କର ବସ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ । ଏହାସହ ଅନ୍ୟ ନୂଆ ବସର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ।